何蘭正

营业中

休息中

玩味中外fusion菜🍲 店如其名：何蘭正（鬼佬粵音）😄😄充滿香港文化特色，每一碟餸都有傳統同外地嘅fusion😆雖然你睇到個餸名會覺得搞乜鬼🤣但食落又出奇地幾好味🤓 偏暗嘅環境以霓虹燈牌照明，加上公雞碗同紅筷子，好懷舊🤓🤓侍應著住茶餐廳白袍但一啲都唔污糟，仲有西餐廳嘅良好服務添😄😄 24小時慢煮伊比亞叉燒，配煎太陽蛋🍳、紅洋蔥漬、香噴噴香蔥豬撈飯🐷🍚$178雖然唔係粵式叉燒，但油脂同焦香非常顯著，可以一戰。豬油撈飯比我想像中無咁滯，而且醬油調味恰到好處🤩🤩 牛油香煎阿拉斯加長腳蟹肉配松葉蟹肉🦀、幼滑濃厚法式薑葱味薯蓉🥔 $228呢個幾得意，你睇個名都幾西式，但點知佢下面係西式好綿滑嘅薯蓉，但上面係有中式酒樓薑葱炒蟹嘅味😄😄你又估佢唔到幾夾架喎衰鬼。蟹肉一款係一件件，另一款係肉絲，幾得意。 沙薑風味脆香雞翼 $88 中式嘅沙薑都可以配炸雞，真心諗唔到😄😄炸起即上，熱辣辣好香口🥰沙薑粉加埋薑醬都幾入味。單邊骨好易咬。 越式椰子沙冰🥥 $68超級推薦🥰椰奶味超香濃，唔會假，亦唔會似椰青水。超級冰凍，沙冰好綿，唔會油水分離🥥。 凍西柚茶 $45酸味較重，唔甜。底部有濃濃嘅西柚香🍊。