影片
更多
2021-02-09
56 浏览
講起在香港食法式餐廳，唔少人都上網搵不同嘅選擇，但原來喺鬧市中嘅銅鑼灣都有一間隱世高質餐廳。整間店舖裝修精緻，以灰色為主調，白色配搭，令人有一種舒服嘅用餐感覺。餐廳有唔少嘅選擇，有每日嘅set lunch、亦有一個four course Menu。想飲嘢嘅朋友亦都有happy hour優惠，任君選擇。餐前先上咗餐包，牛角包極度香脆，上枱時熱辣辣，極度抵讚👍🏻👍🏻。配上小店特製嘅牛油，香味四溢又開胃，好好食丫！之後嚟嘅係柚子啫喱配蟹肉沙律，小店將柚子啫哩配上蟹肉，食落好鮮甜，好開胃，係呢道菜嘅精髓。特別嘅係柚子啫喱，柚子味既果酸同蟹肉沙律既鮮甜度中和，難得一見有心製作嘅沙律頭盤。👍🏻👍🏻第三道菜係北海道珍寶帶子，帶子夠晒大隻，煎得表皮香脆，內裏鮮嫩，第一啖擺落口有驚為天人嘅感覺，配上小店特製嘅醬汁和奶泡，令成個菜嘅層次提升不少。主菜方面就選取咗A5和牛下肩胛肉，和牛煎到外香內juicy ，一咬落口d汁就散發係個口腔度，唔需要點任何醬汁都10分好食😋。店員好好仲建議我哋選擇四成熟度，果然冇介紹錯，食落的確接近完美無可挑剔。就連配菜佢哋都用心精選過、有蘑菇炒煙肉、炒荷蘭豆、忌廉千層薯仔都係其
整間店舖裝修精緻，以灰色為主調，白色配搭，令人有一種舒服嘅用餐感覺。
餐廳有唔少嘅選擇，有每日嘅set lunch、亦有一個four course Menu。
想飲嘢嘅朋友亦都有happy hour優惠，任君選擇。
餐前先上咗餐包，牛角包極度香脆，上枱時熱辣辣，極度抵讚👍🏻👍🏻。配上小店特製嘅牛油，香味四溢又開胃，好好食丫！
之後嚟嘅係柚子啫喱配蟹肉沙律，小店將柚子啫哩配上蟹肉，食落好鮮甜，好開胃，係呢道菜嘅精髓。特別嘅係柚子啫喱，柚子味既果酸同蟹肉沙律既鮮甜度中和，難得一見有心製作嘅沙律頭盤。👍🏻👍🏻
第三道菜係北海道珍寶帶子，帶子夠晒大隻，煎得表皮香脆，內裏鮮嫩，第一啖擺落口有驚為天人嘅感覺，配上小店特製嘅醬汁和奶泡，令成個菜嘅層次提升不少。
主菜方面就選取咗A5和牛下肩胛肉，和牛煎到外香內juicy ，一咬落口d汁就散發係個口腔度，唔需要點任何醬汁都10分好食😋。店員好好仲建議我哋選擇四成熟度，果然冇介紹錯，食落的確接近完美無可挑剔。就連配菜佢哋都用心精選過、有蘑菇炒煙肉、炒荷蘭豆、忌廉千層薯仔都係其他店舖10分少見嘅配菜，呢個心思分都囉埋。
最後餐後多一個甜品，係一個白酒金橘蛋糕配上朱古力雪糕，睇得出廚師擺盤10分精細，以一個貝殼裝上呢個似珍珠嘅蛋糕，外面亦以威化餅碎扮作沙灘🏖️，成件事都10分有畫面，未食已經加分。蛋糕唔算甜，金橘味突出，食完咁多野之後有解膩嘅感覺，唔錯。
原來最後仲有餐茶，決定都係以一杯熱檸茶作為總結，食完咁多豐富嘅美食，檸茶解油膩嘅作用10分10分明顯啦。整體而言呢間餐廳極度高質，無論擺盤、食材、餐廳嘅處理方法、用餐嘅環境、店員嘅服務都屬於高質素。店員會用心解釋每一道菜嘅配置，亦會建議選擇食材嘅生熟度，整體用餐感覺極度良好、令我既回頭率極高。👍🏻👍🏻
张贴
