鮨石 (已結業)

假期有限，想食返餐高質日本料理，Omakase就係必然首選，今次揀左位於尖沙咀，夠晒方便😌入到餐廳，環境幽靜，同出面熱鬧既尖咀好唔同，可以安靜咁享受晚餐😊前菜﹕熱食螺，新鮮爽口；蝦係冷點，上面是內臟，鮮甜外多帶一層味道；海藻最後食，酸酸地可以清一下味蕾～刺身😍石鯛～新鮮、薄切，加少少山葵捲埋，鮮味更突出👍🏻北海道赤貝、帶子～赤貝爽口彈牙，厚身口感好；帶子加少少山葵點海鹽，鮮味更突出，與一般的食法不一樣，有新鮮感。吞拿魚二食～不同烹調手法，厚切、火炙，配柚子醬，鮮魚味，油脂感，但柚子可以平衡返😌西瓜漬配肝~師傅唔講都唔知係西瓜漬，比較新奇既配搭，肝口感豐厚，但淨食會油膩，不過配左西瓜漬，清爽解油膩，食晒三件都唔怕😊熱食開始🎉京都鴨～選用當造京都鴨，慢煮賵所以唔會柴唔會硬，軟淋帶少少偏實口感；蘿蔔吸晒啲湯汁，正；湯一定要試埋，味道意想不到，居然似酸梅湯😋原味燒鱈魚～熟道岩岩好，油脂感好足，食少少蘿蔔蓉清下準備下一道章魚～章魚汁煮，食過油脂感十足既銀鱈魚後呢道菜夠清賵平衡返，其中一件係八爪魚頭，平時好少試到，口感軟淋，同腳係完全兩種感覺，新奇又好味🤤壽司七食～新鮮厚切，壽司飯分量岩岩好，亦都