顏府御膳 (已結業)

約左班前輩老師係銅鑼灣食飯，揀左間精緻既高級中菜有茶飲🫖；平日晚上唔多人，可以坐得舒適好好傾計，遠離鬧市。晚上有不同套餐選擇，前菜叫左份鮑汁鳳爪🐓，味道似瑞士汁甜甜的，但更濃味同傑身。另一份前菜滕椒木耳，辣椒🌶️微辣好開胃，木耳都好爽口。仲有每枱都有既蜜糖合桃脆卜卜主菜就係鮮淮山和牛🐂，仲有四季豆香菇三色椒🫑炒埋一齊好惹味，淮山切成條狀易入口，食落似薯仔但更有益。砂鍋大澳蝦醬唐生菜膽🥬好大鍋熱辣辣，炒過既蝦醬香到隔離枱都聞到，蝦乾好大隻用料好靚。最後粉葛老火湯又甜又潤收尾。