影片
更多
2023-02-01
31 浏览
今日同朋友經開銅鑼灣，搵到哩間係地鋪好日式裝修既餐廳。係鬧市中竟然有一個寧靜又舒服既地方享受午餐😋 環境同服務都好好 。原來哩間餐廳係以無麩質日式班㦸及輕食為主打，以全日本空運食材，獨家研發之技術製作出極具日本風味班戟，佢個拿破崙仲得過奬添。仲有好多好特色既菜式同甜品。👍🏻😋牛肉丼 $138哩個牛肉丼係套餐，包左個小沙律，日式麵豉湯，仲有一壼焙茶。佢主打輕食同健康無麩質甜品，所以哩個份量唔算多，但食材質素高，日本雪花牛，好滑同好有牛味，配上日式燒汁同日本米飯仲有少少洋蔥，甜甜地好開胃。女士黎講絕對夠飽，仲有碗湯同沙律。壺焙茶份量都唔少，而且味道好日式，配埋日式既裝修，真係似係日本食左個lunch👍🏻😋黑豚丼 $138日式吉列黑豚肉有三大粒，配上滑蛋洋蔥，又係好吸引。味道好夾，黑豚肉唔肥但又唔會覺得好乾身，吉列皮亦炸得岩岩好。佢兩個擺盤既用具都非常日式，而且哩隻日本米飯都相當出色，唔錯。👍🏻😋抺茶富士山 $48雖然跟餐有壺焙茶飲，但見佢富士山系列既飲品都好吸引，我地都忍唔住叫左一杯凍抺茶，一杯凍焙茶。抺茶上面綠色下面白色，配上富士山型既玻璃杯。好靚呀。打完卡就溝埋黎飲係好好味，唔會好甜，
😋牛肉丼 $138
哩個牛肉丼係套餐，包左個小沙律，日式麵豉湯，仲有一壼焙茶。佢主打輕食同健康無麩質甜品，所以哩個份量唔算多，但食材質素高，日本雪花牛，好滑同好有牛味，配上日式燒汁同日本米飯仲有少少洋蔥，甜甜地好開胃。女士黎講絕對夠飽，仲有碗湯同沙律。壺焙茶份量都唔少，而且味道好日式，配埋日式既裝修，真係似係日本食左個lunch👍🏻
😋黑豚丼 $138
日式吉列黑豚肉有三大粒，配上滑蛋洋蔥，又係好吸引。味道好夾，黑豚肉唔肥但又唔會覺得好乾身，吉列皮亦炸得岩岩好。佢兩個擺盤既用具都非常日式，而且哩隻日本米飯都相當出色，唔錯。👍🏻
😋抺茶富士山 $48
雖然跟餐有壺焙茶飲，但見佢富士山系列既飲品都好吸引，我地都忍唔住叫左一杯凍抺茶，一杯凍焙茶。抺茶上面綠色下面白色，配上富士山型既玻璃杯。好靚呀。打完卡就溝埋黎飲係好好味，唔會好甜，感覺到好滑。抺茶同奶既對配好岩，唔會比其中一邊搶左，同埋佢唔會好厚身，令到好飽。真係無叫錯👍🏻
😋焙茶富士山 $48
哩間鋪既焙茶都好出色，飲佢熱既焙茶已經知道佢落足料。凍飲加埋好滑既奶製成，更加係令一種味道。👍🏻
😋雪糕芒果蕨餅拿破崙 $138
忍唔住又叫左兩個甜品試，即叫即做大約十分鐘左右。哩個拿破崙都幾大件有三層，餅底好酥脆同好香牛油味，佢唔會一壓就碎果款，芒果用新鮮澳洲芒果好甜，中間分別有雪糕 cream 同麻薯，仲有幾粒蕨餅，添上日式風味。加埋一齊食絕對唔會好甜，正👍🏻
😋伯爵茶無花果班戟 $138
哩個係無麩質pancake,所以口感一定唔同平時果款，食落好似蛋糕質感，但感覺比較健康，同埋佢有雪糕同伯爵茶既cream ，但相信佢所有甜品既cream應該唔同一般既cream,因食落去係比較硬身，唔會入口即溶果款，幾好味，仲有好多粒新鮮無花果，好味👍🏻
哩間不論環境服務同食物都高質，而且主打健康路線，岩晒好多女士們。除左日式佢仲有西式既食物，下次要再黎試下先，仲有好多甜品未試😍
⭐️⭐️⭐️⭐️（5星為滿）
Pancake Senmon (Pancake專門)
銅鑼灣百德新街57號海華大廈地下B號舖
飲飲食食 #食好西 #周圍玩 #周圍食 #介紹返 #餐廳推介 #美食 #香港美食 #銅鑼灣美食 #香港打卡餐廳 #打卡 #閨蜜#香港特色餐廳推介 #吃貨 #無麩質 #yummy #hongkong #hongkongfoodie #hkfoodie #hkfoodblogger #dinner #pancake #pancakesenmon
12 浏览
0 赞好
0 留言
张贴
