影片
更多
2019-09-08
57 浏览
廟街給予人既印象一向都係好熱鬧同埋五光十色, 前幾日意想不到轉角見到呢間走外國風既CAFE, 就抱住好奇又興奮既心情入去一試.一入去完全有種遠離煩囂既感覺, 無論燈光, 音樂, 擺設都能夠俾到我地好舒服享受既氛圍. 好喜歡佢樓底夠高, 空間感十足. 細看之下, 原來呢間CAFE 拎過不少關於咖啡既獎項. 近門口位置放左好多咖啡用品, 完全設合咖啡愛好者的需要.食物種類還算不錯, 聽服務員講呢度既招牌係ALL DAY BREAKFAST, 所以我同朋友各人分別點左Monster 同埋American. 當呢個MONSTER 呈現係我面前時, 我忍唔住大叫一聲, 因為佢無論食材同份量都超級多, 包括有炒蛋(可轉其他蛋)，紐倫堡腸，煙肉，煙三文魚，煙燻黑椒牛肉，大蘑菇，車厘茄，沙律菜，黑松露薯蓉，茄汁豆同奶油包，有十多款配料，非常豐富!! 除了賣相顯赫之外, 味道都相當不錯, 奶油包烤得脆脆的, 而且薯蓉有好香既黑松露味, 完全令我胃口大開. 至於我朋友的AMERICAN 大致上跟我的一樣, 只係少了黑椒牛肉, 沙律菜車厘茄, 雖然份量比我地預期多, 食到中途都飽了, 但是我地最後都食哂所有
一入去完全有種遠離煩囂既感覺, 無論燈光, 音樂, 擺設都能夠俾到我地好舒服享受既氛圍. 好喜歡佢樓底夠高, 空間感十足. 細看之下, 原來呢間CAFE 拎過不少關於咖啡既獎項. 近門口位置放左好多咖啡用品, 完全設合咖啡愛好者的需要.
食物種類還算不錯, 聽服務員講呢度既招牌係ALL DAY BREAKFAST, 所以我同朋友各人分別點左Monster 同埋American.
當呢個MONSTER 呈現係我面前時, 我忍唔住大叫一聲, 因為佢無論食材同份量都超級多, 包括有炒蛋(可轉其他蛋)，紐倫堡腸，煙肉，煙三文魚，煙燻黑椒牛肉，大蘑菇，車厘茄，沙律菜，黑松露薯蓉，茄汁豆同奶油包，有十多款配料，非常豐富!! 除了賣相顯赫之外, 味道都相當不錯, 奶油包烤得脆脆的, 而且薯蓉有好香既黑松露味, 完全令我胃口大開.
至於我朋友的AMERICAN 大致上跟我的一樣, 只係少了黑椒牛肉, 沙律菜車厘茄, 雖然份量比我地預期多, 食到中途都飽了, 但是我地最後都食哂所有野, 因為實在太好味了!!
之後我地都各自點了飲品, 黎到呢間得到無數咖啡獎項既CAFE, 當然要試試佢地既功夫. COFFEE MENU 上有各類唔同既咖啡, 我最後點左紅菜頭latte, 因為紅菜頭係我至愛, 而呢款latte 係市面好多CAFE 都搵唔到, 所以一定要試下. 最後果然冇令我失望. 首先咖啡上既貓貓拉花已經好吸精, 拉得好精緻細膩, 看得出係水準之作. 至於味道方面, 雖然紅菜頭既味道唔算太濃, 但整體LATTE TEXTURE 好細滑, 而且奶味香濃, 係值得推介之選.
至於我朋友突然見到近收銀處旁有一個啤酒架, 架上放滿各類特別既啤酒, 但最令佢驚喜就係搵到係香港少見既比利時啤酒, 所以最後就毫不猶疑地點了呢支特色啤酒.
本人認為Studio Caffeine 係一個可以令人心靈療癒既地方, 無論環境, 氛圍, 食物, 都會給予人大滿足既感覺.呢個地方亦適合跟三五知己消磨假日下午, 遠離都市煩囂. 值得推介!!
张贴
