有蒸氣 海鮮石鍋專門店 (已結業)

對於鐘意食海鮮的人嚟講，蒸汽火鍋的出現實在係一個偉大發明簡簡單單用蒸汽蒸熟海鮮，計準時間蒸得不會太生不會過熟，吃的係海鮮本身的鮮味，所以海鮮新唔新鮮係食蒸汽火鍋的關鍵今次食呢間餐廳整體的海鮮都非常新鮮，而且粥仲可以自選一款配料。我同朋友今次揀咗《有蒸汽石鍋海鮮餐》，當中包括有6款海鮮：沙包蜆、竹串海中蝦、大連鮑魚、日本元貝、美國桶蠔同鮮魷。就當天嚟講，沙包蜆非常鮮甜，另外日本元貝連粉絲同蒜蓉蒸，好野味食海鮮飲啤酒，是基本吧除咗海鮮外，套餐仲有一碟豬肉丸拼墨魚丸。呢碟丸有驚喜，老土啲講句，豬肉丸有豬肉味，墨魚丸有墨魚味，而且兩款丸都好有彈性，吃得出係手打的，估唔到呢度的丸都做得咁好食最後食返碟菜，金銀蒜蒸勝瓜，清清淡淡也很不錯食哂餸後，嚟到吸收哂所有海鮮精華的粥。在開始時，我地揀咗粟米同雞煲了一個多小時，加上食咗咁多款海鮮，令到整個粥充滿甜和鮮的味道。而且粥的份量很多，有大概4-5碗，食完已經好飽、好滿足餐廳最後送咗碗糖水，薑煲蕃薯糖水，為豐富的一餐寫了完美的句號