影片
更多
2020-07-24
144 浏览
呢間餐廳主打新派泰國菜，半年前行The Forest時幫襯過覺得唔錯，最近突然醒起佢決定二訪❤️今次幫襯除左冬蔭芝士海鮮老鼠之外其餘既都係encore菜式，因為第一次食過就已經印象深刻😋.簡單介紹下先🙆🏻♀️ 餐廳配合返商場特色，一入門口已經見到有唔少綠色佈置🌱 不足既係檯與檯之間既距離比較窄，如果要同朋友傾私密話題㊙️會有少少唔太方便🤫 不過加分位係呢度既店員好細心會留意顧客需要，每當見到我地水杯空左就會主動埋黎加水👍🏻******************************✨旺來柑橘沙律🥗 ($82)呢度既幾款沙律全部都係餐廳自創，而呢款沙律係沙律菜上鋪左唔少配料，有菠蘿🍍、馬蹄、蕃石榴、青芒🥭同車厘茄，配搭實屬罕見。沙律菜同生果除左新鮮亦都好清甜，醬汁底係柑橘汁酸酸甜甜幾開胃😋 -✨惹味拼盤🍤 (小$96)每次去泰國餐廳都好想食拼盤小食但總會因為份量太多而放棄😔呢度既拼盤貼心之處係有兩個份量可選，小既每款二件，大既就每款四件，咁就唔怕會食唔晒啦😆拼盤包括有豬頸肉、香檸雞槌、雞卷、蔗蝦同魚餅，每款都切合返菜名好惹味😋-✨烤雞和牛沙嗲串燒🍢 配泰式花生醬🥜 ($112)由細到大去泰國
呢間餐廳主打新派泰國菜，半年前行The Forest時幫襯過覺得唔錯，最近突然醒起佢決定二訪❤️今次幫襯除左冬蔭芝士海鮮老鼠之外其餘既都係encore菜式，因為第一次食過就已經印象深刻😋
.
簡單介紹下先🙆🏻♀️ 餐廳配合返商場特色，一入門口已經見到有唔少綠色佈置🌱 不足既係檯與檯之間既距離比較窄，如果要同朋友傾私密話題㊙️會有少少唔太方便🤫 不過加分位係呢度既店員好細心會留意顧客需要，每當見到我地水杯空左就會主動埋黎加水👍🏻
******************************
✨旺來柑橘沙律🥗 ($82)
呢度既幾款沙律全部都係餐廳自創，而呢款沙律係沙律菜上鋪左唔少配料，有菠蘿🍍、馬蹄、蕃石榴、青芒🥭同車厘茄，配搭實屬罕見。沙律菜同生果除左新鮮亦都好清甜，醬汁底係柑橘汁酸酸甜甜幾開胃😋
-
✨惹味拼盤🍤 (小$96)
每次去泰國餐廳都好想食拼盤小食但總會因為份量太多而放棄😔呢度既拼盤貼心之處係有兩個份量可選，小既每款二件，大既就每款四件，咁就唔怕會食唔晒啦😆
拼盤包括有豬頸肉、香檸雞槌、雞卷、蔗蝦同魚餅，每款都切合返菜名好惹味😋
-
✨烤雞和牛沙嗲串燒🍢 配泰式花生醬🥜 ($112)
由細到大去泰國/越南餐廳都必定會點沙嗲串燒！一般餐廳都會提供豬/雞/牛肉供客人選擇，而呢度就預設左雞肉🐔同牛肉🐮每款三串，上桌後見到每枝串燒既肉量都比出面食到既多&大舊已經覺得幾意外😳
雞肉肉質嫩滑又juicy，而牛肉串燒呢度就選用左和牛，食落就真係有和牛既味道。至於佢個花生醬味道亦都唔錯，有好多我鐘意既花生粗粒🙊
-
✨冬蔭芝士海鮮老鼠粄🍲 ($128)
(由於上桌後太急不及待要食所以只有拍片無影到相🙇🏻♀️)
見到menu上面同時出現有耳型粉同老鼠粄兩款麵食，最後揀左老鼠粄，其實即係銀針粉。
上桌後聞到冬蔭公入面好香既檸檬葉同香茅氣味，食落辣辣地，對於唔食得太辣既我黎講都接受到👌🏻
意想不到既係冬蔭公同芝士呢個組合幾夾，餐廳調製出黎既味道都幾平衡⚖️ ，隱約食得到芝士味道又唔會被冬蔭公蓋過。至於配料份量亦頗為足料，海鮮有蝦🦐、原隻蜆同墨魚仔🐙，另外仲有唔少粟米仔同草菇，2-3人share食剛剛好
-
✨芒果糯米飯🥭 ($78)
食泰國野點少得芒果糯米飯做甜品😜呢度既糯米飯加左蝶豆花所以係紫藍色，上桌時熱辣辣，配上椰漿同椰子片口感豐富👍🏻 只係椰漿食到最後唔夠，如果多返少少會更好
至於身為主角既芒果一定唔可以係酸既，而呢度既芒果切片好甜，食到最後仲覺得唔夠喉添🙈
******************************
👧🏻人均消費：$200–$250
👍🏻味道指數：4/5
👍🏻抵食指數：3.5/5
👍🏻環境指數：3.5/5
👍🏻再訪指數：4/5
-
📍 青花
地址：旺角奶路臣街17號The Forest 1樓107-108號舖
⏰營業時間：12:00–22:30
张贴
