福岡漢堡扒 (厚福街) (已結業)

週六出尖沙咀提早食晚餐，揀咗呢間係厚福街既福岡漢堡扒。見有二人餐但覺得兩個人食既野差唔多，加上男友不能吃太多牛，於是我叫牛，佢就叫咗豬扒。芝士蛋和牛漢堡扒 (M)用鐵板上，滿滿的蛋液加上一個波波形的漢堡扒。鐵板上另有一塊圓形的熱石，自己用整大阪的鏟切開並續啲燒熟，枱上有張紙話3秒就可以反一反舊肉。 無論我燒得有少少燶定用3秒定律，漢堡扒都好鬆軟，雖然牛味唔算突出，但我好鍾意有得食有得玩既模式。漢堡扒附了鹽同甜醬油沾，個人覺得配醬油好食啲。因為每個位都有專用既吸煙管，可調節至熱石上方吸哂啲煙，所以間舖基本上無乜味，食完件衫都唔覺有味。另外，店員見舊石唔夠熱仲會主動去換架蛋漿直接在鐵板上，下層全熟但上層依然嫩滑，只係味道無咩特別，蛋味不重。咖喱吉列豚肉丼飯雖然唔係主打菜式，但都做得唔差。炸豬扒酥脆，即使扒的兩邊都軟腍。豬扒唔係好厚身，不過夠大塊。 咖喱汁有點略少，男友唔太夠撈飯。金橘檸檬梳打超級大杯!! 好彩我地習慣兩人share一杯飲品，叫多杯真係驚飲唔哂😅 味道清爽，正正常常。