Le Viet (已結業)

係旺角得完街，諗梗食咩好，見到有間新舖食越南野，舖面好大，有好多枱，應該會坐得好舒服。睇下食咩好先。生牛肉湯粉，生牛肉好嫩好滑，用20斤牛骨淆八個鐘頭得出既高質素美味，正！串燒雞牛豬，燒到香噴噴，將肉汁鎖係肉入面，加埋個沙爹汁，一流。牙車快，雞絲配搭住青瓜絲，薄荷葉，碎花生，倒埋呢個酸酸甜甜既汁落去，好開胃！春卷炸得又香又脆，包住生菜食一條，唔包生菜又食一條。越式咖哩牛腩鍋配印度薄餅，真係好少餐廳會連個爐一齊上，可以食住熱辣辣既咖喱同埋薄餅。個鍋都好有份量，有好多牛腩，好好味，食完肥兩磅都抵！！