La Postre (荃灣廣場) (已結業)

同老婆拍吓拖放低小朋友食個下午茶。呢度環境好靚坐得舒服，下午茶CP 值高，值得介紹吓。我地兩個叫左西班牙海鮮黑糯米飯同和牛竹炭漢堡包配薯條。海鮮黑糯米飯幾高質，海鮮多而新鮮鮮甜，黑糯米炒得好香口感煙韌軟綿綿。竹炭包就普通唔差但冇個海鮮飯咁正，和牛都好食嘅，無煮得太老，但食西班牙菜都係食返海鮮較好。跟餐加 $15 可以轉 mojito，唔錯，幾 fresh 。$88下午茶餐價，下午茶呢個價錢呢個質素無得輸啦，坐亦坐得舒服，有機會再黎食個晚餐。