影片
港铁荃湾西站 A1 出口, 港铁荃湾西站 A2 出口, 港铁荃湾西站 E2 出口
继续阅读
开饭介绍
店名在西班牙文解作甜品，故除了供应分量十足的西班牙菜，更自创多款高质的甜品。环境优雅舒适，是拍拖及与知己聚餐的好地方。
继续阅读
营业时间
星期一至五
12:00 - 17:45
星期六至日
11:30 - 19:15
以上资料只供参考，请与餐厅确认详情
黑松露鲜虾忌廉意粉（$70）一上枱已经闻到好香，卖相亦很好。试试味道如何？忌廉汁浓度刚刚好，唔太稀唔太杰，每条意粉都挂到啲汁，味道够哂creamy。意粉又煮得好啱我口味（微微偏硬那种口感）。虾肉弹牙，加上大量杂菇同三色椒，好味。美国牛肉芝士汉堡配黑松露薯条（$70）服务员细心问要唔要厨房一开二，当然好啦，方便食嘛。Burger 就比较普通，味道是可以的，但没太特别。反而薯条值得一赞，大大份，即炸之余，条条都外脆内粉，仲有𠮶个疑似捞咗黑松露粉嘅他他酱，点薯条又几夹㖞。另外要咗份 Tapas Set（$138），包三款$48嘅小食，但可以加$15/$28升级。炸鱿鱼配西班牙蒜蓉酱（+$15）即炸，脆口，脆粉有腌过未，但稍稍油咗啲。鱿鱼正常，弹牙。蒜蓉酱味道不错。西班牙红酒蕃茄肉丸（+$15）肉丸有肉味，蕃茄酱劲香浓，混合咗少量青椒、红椒、香草，层次好丰富，值得一试。（但小心入面有一粒甜辣椒，都几辣）芝士煎蟹饼（+$28）应该系即叫即焗（大约需时廿分钟以上），上枱时铁兜超热。卖相满分。焗蛋入面有蟹肉丝、薯仔粒、菇，味道比预期中淡，食唔出芝士味，反而洒系面嘅木鱼啲味仲出，感觉比较普通。
继续阅读
留意番，我叫嘅系牛油果三文鱼焗饭但系揾云成个饭都揾唔到半粒牛油果然后我哋叫店员过嚟。系咪送错咗啊？咩啊系咁个㖞！然后，我哋以为系自己睇错咗Menu，但原来佢真系叫牛油果焗饭。。。这是一次不愉快的用餐体验…各位食神自己睇路🥲🥲
继续阅读
经常出尖沙咀都有留意到呢间餐厅，但未曾有机会光顾，今年圣诞走咗转荃湾，抱住一试无妨嘅心态订咗枱兼付订金，点知就系恶梦嘅开始…😓当日一行3人order咗佢哋特定嘅Christmas set menu，另外再加咗几款圣诞版单点菜式，整体上系咩种类嘅食材都有…🍵 首先个黑松露蘑菇汤，系好多菇好足料，但”稀了了”完全唔系西汤应有嘅浓郁口感…🍟 小食炸薯条炸过龙搞到干晒，条条都硬框框…🥓 前菜系火腿冻肉拼盘，立立杂杂咩都有几片，但全部都系超市包装食物拎出嚟咁嘅质素，再加块好似搭枱咁嘅面包又干又硬…🐔 只烧春鸡除咗脾位比较嫩之外，中间鸡胸部份系鞋到咬唔到…🥘 招牌西班牙海鲜饭超级酸，啲饭杰到一饼嘢咁，难食到每人食咗一啖之后顶唔顺成盘放弃…🦞 波士顿龙虾配慢煮牛柳，两样都Overcook，啲虾肉黐实晒个壳，搞咗好耐终于起到肉，但咬落好鞋，旁边放咗只虾箝但完全冇开，系咪当伴碟唔谂住俾人食？🥩 旧牛柳终极差，我未食过慢煮可以做到呢种韧度，我咬咗成分钟都咬唔烂，直接放弃，立即吐出！🍰 圣诞树头蛋糕好难食，胶味朱古力，macaron系糖尿级数嘅甜…😩🤢🤮最后我哋同职员反映食物质素实在太差，冇一样嘢系合格，人生未试过如此浪费食物，但真系太难食，就算肚饿都食唔落口🤮 最后餐厅为表歉意free咗个甜品：抹茶麻薯窝夫，估唔到呢个甜品系全餐饭最高质、最好食嘅item，俾我哋极速清晒😳 估唔到系一间西班牙餐厅用膳，成餐饭最好食嘅系呢款日式甜品…! 😨当日系圣诞节，但都唔爆场，整体上你随时Walk in都有位，会唔会系呢间野喺荃湾街坊心目中早被Blacklist，系我哋啲港岛区嘅乡里出城先中伏？我都有尝试帮佢谂啲原因，会否平时打骰嘅大厨圣诞要放假，交俾啲下属处理所以搞到咁？Anyway，好地地食个圣诞大餐得到如此失望嘅结局…唯一要赞嘅系职员都好helpful，我知食物质素差其实唔关楼面事，但冇办法佢哋要直接面对客人嘅投诉但同时爱莫能助，成餐饭得到咁差嘅体验，罪魁祸首应该归咎厨房同入货嘅食材🙅🏻♀️🙅🏻餐饭三个人食咗千几蚊，简直同倒钱落海冇分别💸
继续阅读
La Postre地址: 荃湾大坝街4-30号荃湾广场B1楼B109-B110号舖朋友发板试新野，拣左间气氛唔错既餐厅， @la_postre 都装修到好有欧陆风情，非常有气氛同情调。芝士煎蟹饼 🦀 $168黎到热辣出炉蟹饼加上超多木鱼丝，卖相一流。开头我以为系用薯饼整，点知切开先知，原来系好似蚝仔焗蛋砵咁㗎。虽然中间个心有芝士拉丝🧀，而且都几重芝士味，但个人认为味道一般，惊喜不大。西班牙海鲜饭 🥘 $298食西班牙菜点可以唔食海鲜炒饭呢。海鲜饭卖相一流，色泽红润，而且有青口、蚬、虾及腊肠，所以都算几用足料。本来仲好担心啲饭会煮到好硬，点知个饭够湿，一啲都唔干，而且辣辣地几惹味添，整体味道都几好食。#nicefoodie尖沙咀
继续阅读
寻日（08／12）喺临时book餐厅同fds预早庆祝birthday, 呢间餐厅职员自动自觉打嚟confirm寻晚食饭时间外，仲会主动问我，需要响甜品上加上我fds名字吗？我即刻回覆好！ 感觉呢间餐厅职员态度好好，好有亲切感！fds拣甜品后同甜品上枱后，佢哋感觉喺“哇”，好靓！谢谢你哋亲切嘅安排！
继续阅读