牛站(駅)麻辣火鍋放題

营业中

休息中

香港最近開咗唔少台式任食火鍋，食過幾間，質素都唔錯。今日嚟到呢間新開嘅牛站，又睇吓好唔好食先！一入到去已經比個環境嚇親，裝修非常之靚同乾淨，坐得舒服，加分！睇埋個自助區，完全震撼眼球😍有勁多前菜，小食，熟食同大量甜品，啱晒大胃王！😛火鍋湯底選擇都好多，可以加少少錢雙併，我哋今次就試咗比較特別嘅喇沙海鮮湯，同黑松露菌湯😋喇沙湯底非常之香，椰香味加點微辣，同牛肉非常之夾！黑松露湯非常特別，有少少西式湯底嘅感覺😜 重點嘅牛肉，超級高質！油花好靚，入口差唔多即溶，不得了👍🏻👍🏻另外仲有海鮮同其他肉，比較特別仲有糍粑同芝士條，即炸熱辣辣，正！今餐真係極高質，cp值又高，下次一定同朋友再黎！