影片
更多
2021-11-12
165 浏览
朋友生日要同佢食，佢好忙唯有同佢食個午餐。我地去咗「玄鮨」食午市套餐，早一個星期左右訂枱就可以喺bar枱到食，可以同師傅多啲交流。佢哋冇用啲膠隔開啲枱，所以食得好舒服。Sushi set lunch ($480+10%)十一月仲有滿1000-200呢個優惠，抵到爛。佢地啲壽司用七星米整。總共有八件壽司，可以睇住師傅親手整俾我哋食。基本上同omakase嘅體驗差唔多。首先有前菜，有胡麻沙律、青瓜貝柱、南瓜沙律，全部都好開胃。仲有茶碗蒸添。- 石斑+醬油昆布漬印象中好似第一次生食石斑，呢種日本石斑 好有咬勁而且夠鮮味。- 島深魚+薑師傅話係深海池魚嘅親戚，幾爽又有天然油份。- 金目鯛+柚子胡椒呢個可以話係魚王，師傅用火燒嘅方法迫咗多啲油份出嚟，爽！- 帆立貝+ 鹽比較特別嘅係呢粒帆立貝用檸檬熬完，令到味道更加爽甜。- 藍鯨吞拿魚+ 菠蘿漬呢隻赤身魚帶有少少酸性，加咗沖繩菠蘿好創新，係年輕人嘅食法。- 赤鯥+蒜頭漬佢係白身魚最多油最滑嘅魚，好好彩食到呢個咁正嘅季節性食材。- 牡丹蝦同平時嘅蝦壽司唔同，鮮甜嘅肉仲加上咗蝦頭入面嘅蝦膏，成功將簡單的食材昇華。- 海膽手卷 呢個壓軸海膽手卷仲多過
Sushi set lunch ($480+10%)
十一月仲有滿1000-200呢個優惠，抵到爛。佢地啲壽司用七星米整。總共有八件壽司，可以睇住師傅親手整俾我哋食。基本上同omakase嘅體驗差唔多。
首先有前菜，有胡麻沙律、青瓜貝柱、南瓜沙律，全部都好開胃。仲有茶碗蒸添。
- 石斑+醬油昆布漬
印象中好似第一次生食石斑，呢種日本石斑 好有咬勁而且夠鮮味。
- 島深魚+薑
師傅話係深海池魚嘅親戚，幾爽又有天然油份。
- 金目鯛+柚子胡椒
呢個可以話係魚王，師傅用火燒嘅方法迫咗多啲油份出嚟，爽！
- 帆立貝+ 鹽
比較特別嘅係呢粒帆立貝用檸檬熬完，令到味道更加爽甜。
- 藍鯨吞拿魚+ 菠蘿漬
呢隻赤身魚帶有少少酸性，加咗沖繩菠蘿好創新，係年輕人嘅食法。
- 赤鯥+蒜頭漬
佢係白身魚最多油最滑嘅魚，好好彩食到呢個咁正嘅季節性食材。
- 牡丹蝦
同平時嘅蝦壽司唔同，鮮甜嘅肉仲加上咗蝦頭入面嘅蝦膏，成功將簡單的食材昇華。
- 海膽手卷
呢個壓軸海膽手卷仲多過飯，選用嘅紫菜都唔馬虎。用上$1000一盒50片嘅小海苔，箇中香脆先配得上鮮甜嘅海膽。
食完八件壽司仲有個烏冬，一聞已經有好香嘅魚湯味。師傅話呢個暖胃魚湯淆咗四至六個鐘，至於烏冬都好彈牙。
因為朋友生日，所以師傅私人整咗兩個蛋糕俾我哋做甜品。日向下橙蛋糕同埋Hazelnut mocha，兩個都係日本直送㗎 ！我哋都鍾意橙味嗰個多啲，除咗香滑軟綿，比較少見同埋特別。
呢個價錢食到呢個質素真係好抵，基本上同廚師發板都冇咩分別！要嚟記得訂位啊！
张贴
