鮨本

营业中

休息中

♦️前菜三點盛
▪️Rating🌕🌕🌕🌑🌑
-
師傅推薦嘅進食順序係💁🏻‍♂️💁🏻‍♂️
Broccolini👉🏻酸汁白子👉🏻熒光魷魚🦑
-
熒光魷魚其實我覺得未夠好肥美爆哂膏不過不失啦
-
我好感動嚟到2022年嘅2月尾仲食到肥美嘅白子
希望師傅/員工唔好嫌我煩係咁要求話想食白子🥺
因為我真係好想捉緊白子嘅尾巴食到高質素嘅白子
用相片證明我最後成功了白子肥美飽滿又有光澤

最後 Broccolini咁好食都係歸功於個自家製醬料🤩
我唔清楚師傅用咩醬料好似芝士醬但係一啲都唔膩
-
食完三款開胃前菜之後已經成功打開我嘅味蕾👅

♦️岩手縣真蠔•牡蠣🦪
▪️Rating🌕🌕🌕🌗🌑
-
雖然個Size未去到超巨大但係都令我好滿足好食
蠔嘅口感比較爽口彈牙需要運用牙齒去享受佢🦷
慢慢就會感受到蠔嘅鮮味配上酢ゼリー食係一流

♦️刺身三點盛ハタ•ミルガイ•サバ
▪️Rating🌕🌕🌕🌗🌑
-
三款刺身分別係羽太(石斑魚)象拔蚌同埋鯖魚
羽太入口較爽口而象拔蚌爽口嘅同時又好彈牙
象拔蚌配上柚子汁好有煥然一新嘅清新感覺
最後到鯖魚顛覆咗我一直以來對鯖魚嘅睇法
鯖魚不嬲都係比較油同埋腥(好似)不過呢個相反
佢係一塊好好食嘅鯖魚幾爽口又唔會油膩喎
只係帶有一點點嘅油脂感係恰到好處嘅味道呢
-
三款刺身由小清新開始慢慢進化到脂肪嘅享受
循序漸進簡直就係味蕾同埋舌尖上嘅享受呀☺️
-
♦️櫻木煙燻鰤魚腩•ぶり
▪️Rating🌕🌕🌕🌕🌑
-
喺食呢塊鰤魚腩之前視覺上可以好好享受仙氣
鰤魚腩經過櫻木煙燻原本粉嫩嘅顏色都有所變化
鰤魚腩真係好厚好肥美被我形容為有厚度嘅肥膏
食落口仍然充滿着淡淡嘅櫻花木嘅清幽香氣😳
唔只係得魚嘅鮮味同埋脂肪嘅味道感覺好特別
鋪喺底下嘅Kelp Noodles係好脆口係新奇嘅配搭
-
♦️茶碗蒸•茶碗蒸し
▪️Rating🌕🌕🌕🌕🌑
-
茶碗蒸送上嚟係熱辣辣亦都冇多餘or過分嘅調味~
最主要係食到雞蛋嘅鮮味以及係雞蛋香簡單而幸福
雞蛋做得幾滑嫩水汪汪嘅口感但係又帶點厚實👏🏻
呢個口感唔錯我鍾意唔會過分水潤但係又幾挺身
唔記得茶碗蒸有咩海鮮作為配料不過都幾足料架
-
♦️炙燒吞拿魚面頰•トロ•頬
▪️Rating🌕🌕🌕🌕🌗
-
作為最後一款前菜 / 刺身真係好誇張令人欲罷不能
係吞拿魚嘅面珠墩呀師傅真係…唔肥美嘅唔俾我食
今次真係FatFat喇嗚面頰充滿彈性又爽口炙燒一流
完全逼哂入面啲油分出嚟係一舊軟綿綿嘅肥膏好癲
-
吞拿魚面頰一味兩食第一塊可以單獨享受就咁食
第二塊就可以按喜好配上旁邊嘅海膽醬同埋青檸汁
配上海膽醬之後嘅味道更加濃烈青檸又帶點小清新
青檸都係Made In Japan架所以係高級版嘅清新感
唉…真係好誇張唔係講笑好肥美但係我鍾意呀😆
-
以下壽司會由師傅Serve嘅先後次序去介紹~
根據個人口味及喜好作出評價並非專業分析

1 浏览

♦️石垣鯛イシガキダイ
▪️Rating🌕🌕🌕🌑🌑
-
以石垣鯛做第一件壽司係十分之適合嘅選擇
佢有 [夢幻之魚] 之稱號口感上比較清爽細膩
雖然會有一定嘅油脂感但會比之後嘅壽司清爽
望到佢粉嫩嘅顏色就知道佢有幾清純入口鮮甜

♦️深海池魚シマアジ
▪️Rating🌕🌕🌕🌘🌑
-
然後再嚟個進階版本就有油脂豐富嘅深海池魚
入口甘香細膩同時間亦食得出池魚嘅唔同層次
油脂分布適中而呢一份油脂感卻齒頰留香唔錯

♦️帆立貝ほたて
▪️Rating🌕🌕🌕🌕🌑
-
好記得師傅話呢款帆立貝嘅味道同埋口感好特別
係出面唔會食到亦都可能係從來未品嘗過嘅口感
因為佢真係好新鮮就好似剛剛係大海中打撈上岸
佢有一定嘅厚度但係鮮甜嘅味道已經係大獲全勝
-
♦️活赤貝あかがい
▪️Rating🌕🌕🌕🌘🌑
-
同樣地都係好新鮮彈牙嘅活赤貝有一定嘅厚度
賣相好標緻靚到好似一朵花咁陽光下燦爛盛放
鮮甜又爽口嘅赤貝都可以暫時清一清你嘅味蕾
好讓你繼續迎接之後嘅邪惡肥膏大魔王嘅攻擊

♦️富山縣白蝦白えび
▪️Rating🌕🌕🌕🌕🌑
-
佢仲有一個別名叫玻璃蝦係富山灣嘅珍貴寶石
白蝦生長於富山灣大約300-600公尺深嘅海中
生前係呈透明再帶一點粉紅色死後就會變白色
入口非常細嫩非常鮮甜根本唔似係食緊蝦😳
亦都係Omakase中老是常出現嘅壽司款式之一
-
♦️鰯魚磯邊卷イワシ
▪️Rating🌕🌕🌕🌕🌖
-
我係第一次食沙甸魚卷我表示超級鍾意佢好正
師傅仲Serve咗二人份量嘅沙甸魚卷比我獨食
所以呢一啖真係神級滿足因為真係超級好食Lol
佢顛覆咗我對沙甸魚嘅傳統感覺一啲都唔會腥
亦都唔係平時見到個啲沙甸魚罐頭完全兩回事
-
沙甸魚配搭芽蔥醃蘿蔔等食材真係好夾好有層次
而且師傅係花咗好耐時間去挑走沙甸魚嘅細骨架
好欣賞呢一份心思同埋精神我真係大愛呢粒卷呀
充分感受到佢嘅鮮嫩充滿油脂但係一啲都唔膩🤤
-
♦️BB銀鱈魚たら
▪️Rating🌕🌕🌕🌕🌘
-
佢算係油脂感都幾豐富嘅一款壽司仲要經過炙燒
見到啲魚油反哂光就知咩事肉質細膩又夠嫩喎😛
基本上係一舊行走中嘅脂肪不過之後仲要打大佬
但係我齋食佢都覺得好幸福因為真係好肥美ですね

3 浏览

♦️金線鯛イトヨリダイ
▪️Rating🌕🌕🌕🌖🌑
-
外貌好靚真係好靚好似鑲金帶銀嘅貴族魚咁…
魚身好似有一道金線閃閃發光真係好特別
相比起之前食咗嘅壽司呢款就會清爽返啲
暫時緩解一下油脂感同埋罪惡感可以清醒下
入口好有魚味好鮮甜同時亦都好嫩滑唔錯呢

♦️(炙燒)右口魚邊。かれい
▪️Rating🌕🌕🌕🌕🌗
-
Omg真係不得了脂肪警報再一次響起紅燈🚨
呢件右口魚裙邊係一舊活生生行走中嘅大肥膏
佢係我嘅口腔中自動溶化基本上唔使點樣用牙咬
如果形容佢做牛油都唔會覺得誇張我諗係好貼切
平時我諗大家食嘅都係左口魚裙邊居多比較常見
但係右口魚邊肉質嫩滑無比唔似左口魚咁結實
油脂非常豐富入口甘香濃郁係全餐中嘅高潮之一

4 浏览

♦️醋鯖魚。サバ
▪️Rating🌕🌕🌕🌕🌑
-
顛覆咗我對一般鯖魚嘅感受呢個好好食喎師傅
師傅仲加咗昆布以及紫蘇葉同鯖魚一齊包住食
口感同埋味道豐富亦都減低咗鯖魚本身嘅腥味
油脂分泌適中肉質嫩滑我好滿意呢件醋鯖魚🥸
-
♦️海膽手卷。うに。雲丹
▪️Rating🌕🌕🌕🌕🌑
-
仲記得師傅話過而家啲日本🇯🇵飛機貨成本上漲
一盒海膽索價都可能要2000幾蚊數目十分驚人
而因為疫情嚴重喺多方面都會有影響令人擔憂
所以我好感謝師傅竟然比咁大篤海膽我慢慢嘆
入口Creamy 海膽味濃郁又鮮甜呢一口真是絕了

1 浏览

♦️燒玉子。玉子焼き
▪️Rating🌕🌕🌕🌕🌗

好多鮨店都有整自家製嘅玉子燒估唔到鮨本都有
呢個玉子焼き用咗帆立貝去製作無加入任何麵粉
所以會食到雞蛋香同埋帆立貝嘅鮮味味道好特別
有別於普通傳統嘅玉子燒多數得雞蛋味同埋甜味
呢件玉子燒真心好好食架似帆立貝口味嘅雞蛋糕
不過更多嘅就一定係品嚐到師傅用心炮製嘅心思!!

♦️南非鮑魚配鮑魚肝醬。アワビ
▪️Rating🌕🌕🌕🌕🌗
-
鮑魚來自南非🇿🇦而鮑魚肝卻是來自澳洲🦘
而醬汁就係用咗日本嘅黑鮑魚肝製作而成好特別
鮑魚好易咬開鮑魚味都濃郁當然最令人難忘嘅
就一定係個鮑魚肝醬啦有一點點🤏🏻邪惡嘅味道
如果無人望住其實我都真係好想舐乾淨隻碟😅
鮑魚肝醬嘅鮮甜味令人刻骨銘心配埋粒飯食好正

3 浏览

♦️湯汁。汁物
▪️Rating🌕🌕🌕🌕🌑
-
最後要來個熱辣辣嘅汁物清一清口腔暖下個胃
清湯中夾雜住少許香菜及椎茸嘅味道好清新👍🏻
喺清新中帶一點鮮甜係簡單中帶一點幸福…不錯