Supreme Steak & Grill

营业中

休息中

最近同朋友去咗銅鑼灣一間好正嘅西餐廳，叫做Supreme Steak & Grill，喺登龍街18號地舖，地鐵站行幾分鐘就到，超方便！🥩🔥安格斯級封門柳封門柳係牛扒入面油脂較豐富嘅部位，外層微焦帶炭燒香，切開粉紅色肉質，入口軟嫩得黎唔會太肥，肉汁充滿牛肉嘅濃香，每啖都好juicy！🫶🏻😊肋眼牛排肋眼肥瘦比例啱啱好，油花分佈均勻，牛肉味比封門柳更濃，煎得外皮香脆，內裏嫩滑多汁，咬落去有種入口即化嘅感覺！😆配上燒汁，帶點微甜嘅醬汁同牛扒好match，食完真係有幸福感！😉任食薯條🥹！薯條炸得金黃酥脆，外層脆口，內裏鬆軟，熱辣辣送上，仲有少少海鹽提味，食一個停唔到口！😆 90分鐘內任食，店員會唔定時幫你refill，份量大到我哋食咗三碟都仲有得加，性價比爆棚，啱晒薯條控！🙂‍↕️🙌🏻整體嚟講，Supreme Steak & Grill嘅牛扒質素高，份量足，環境同服務都好有水準，重點係任食薯條同任飲飲品真心抵玩！喺銅鑼灣搵間咁高CP值嘅西餐廳唔容易，鍾意食牛扒或者想同朋友輕鬆聚餐嘅，呢間店絕對要mark低！😉