Supreme Steak & Grill

营业中

休息中

環境5分：平民扒房格局，樓底好高，鐵色內籠好乾爽，一邊梳化非常舒服，牆上面D牛扒相好簡單，但到題，可以畀滿分。衛生5分：地方乾淨企理，冇油煙味又夠光，一目了然，非常衛生，一樣畀滿分。服務5分：服務員快手快腳唔囉嗦，埋位即畀水你飲，態度好，自己响張紙度落單，非常快捷方便，服務滿分。味道5分：1)  跟餐加十蚊叫左壺蜜桃茶，個蜜桃味好香，茶又夠清潤。2)  跟餐加十蚊亦可以揀個多片檸檬兼超級多冰嘅凍檸檬可樂，食到最尾Ｄ冰都未溶曬。3)  安格斯級封門柳足二百克，啱啱煮到五成熟，食落唔韌又冇血水，時間控制得好好，封門柳本身唔肥，牛扒好厚身但Ｄ肉好腍，跟左任食薯條拼茄汁同黑椒汁，Ｄ薯條好鬆脆，而且唔會油淋淋，非常好味。4)  美國安格斯肋眼牛排都係足二百克，依個大大塊但薄身少少，多D肥膏所以好juicy，薯條都係任食，非常滿足。抵食5分：兩百蚊据個靚牛扒，包埋個半鐘頭任食薯條，唔洗加一，非常抵食，滿硬分。

原本諗住喺銅鑼灣食嘢都幾貴，唔諗住喺銅鑼灣食嘢，但係行過見到這間餐廳封門柳190蚊，睇相覺得都好靚，就入去試一試封門柳抵食，係一條咁樣上，唔係淨係切幾件， 餐牌寫住「牛味極濃」引起咗嘅興趣， 即刻想試下到底有幾濃我比較鍾意一次過切開曬，之後慢慢食 肉質鮮紅， 的確好重肉味食落冇乜筋啖啖肉，肉質好嫩口朋友就要一份安格斯肉眼扒200g嚟講都好足，切開好多件肉質都好嫩，對比封門柳的確係冇咁重肉味，但係呢個就會多一點牛肉的質感薯條係任食可以refill， 覺得餐廳refill都好快 上菜的薯條都熱辣辣侍應亦都好細心會補埋茄醬總共refill咗兩次薯條見到餐廳原來仲有下午茶餐 價錢都好抵食50蚊有安格斯牛肉出前一丁平日夜晚唔使等位，但係都唔少人食有好多人都成班朋友嚟食感覺食下坐下，又可以refill薯條，真係好舒服餐廳竟然冇加一，真係好抵食， 加埋嘢飲食靚扒，人均唔使200蚊

朋友講我知深水埗出名嘅Supreme Steak & Grill牛扒x薯條餐廳喺銅鑼灣開咗新分店，趁佢未咁多人知梗係嚟咗先啦～今日叫咗兩個經典牛扒套餐，包90分鐘任食薯條😇上碟賣相已經好靚仔呀，肉汁佈滿兩塊牛扒上面，睇到都流口水🤤4號餐 美國安格斯級封門柳200 g $190文樂已經覺好香，牛味非常濃郁。而且封門柳係偏瘦嘅位置，鍾意佢五成熟保持到個肉偏生，突顯牛扒超級軟嫩，又索晒啲肉汁，好Juicy. 5號餐美國安格斯肋眼牛扒200 g $190另一款肋眼扒就超級有風味，油脂感重。每切一嚿都蘊藏住豐腴嘅油脂同香嫩嘅牛肉。加埋個外皮煎得夠晒焦香，成個口感同風味都好豐富。而另一餐廳賣點薯條嘅質素都唔錯。薯條幼身，薯味突出，熱辣辣食好香脆。一口接一口，最後就算好飽都要encore😆😆食得好滋味。估唔到蒜蓉牛汁點薯條咁好食，難怪佢會用任食薯條做招徠，牛扒同薯條質素都唔錯呀！餐飲方面，叫咗一杯熱咖啡、一杯熱檸水，咖啡好香濃，可以自己按需要加奶，熱檸水可以解膩～呢個價錢食到飽，真係無得彈！

最近同朋友去咗銅鑼灣一間好正嘅西餐廳，叫做Supreme Steak & Grill，喺登龍街18號地舖，地鐵站行幾分鐘就到，超方便！🥩🔥安格斯級封門柳封門柳係牛扒入面油脂較豐富嘅部位，外層微焦帶炭燒香，切開粉紅色肉質，入口軟嫩得黎唔會太肥，肉汁充滿牛肉嘅濃香，每啖都好juicy！🫶🏻😊肋眼牛排肋眼肥瘦比例啱啱好，油花分佈均勻，牛肉味比封門柳更濃，煎得外皮香脆，內裏嫩滑多汁，咬落去有種入口即化嘅感覺！😆配上燒汁，帶點微甜嘅醬汁同牛扒好match，食完真係有幸福感！😉任食薯條🥹！薯條炸得金黃酥脆，外層脆口，內裏鬆軟，熱辣辣送上，仲有少少海鹽提味，食一個停唔到口！😆 90分鐘內任食，店員會唔定時幫你refill，份量大到我哋食咗三碟都仲有得加，性價比爆棚，啱晒薯條控！🙂‍↕️🙌🏻整體嚟講，Supreme Steak & Grill嘅牛扒質素高，份量足，環境同服務都好有水準，重點係任食薯條同任飲飲品真心抵玩！喺銅鑼灣搵間咁高CP值嘅西餐廳唔容易，鍾意食牛扒或者想同朋友輕鬆聚餐嘅，呢間店絕對要mark低！😉

今日經朋友介紹去咗一間專食扒嘅餐廳，今日幫襯咗銅鑼灣分店全部套餐都包咗任食薯條，百幾$200有交易，非常抵食封門柳🥩 封門柳係牛橫膈膜附近一小條嫩肉，肉質極嫩又多汁，入口帶微筋，牛味濃郁，五成熟最能突出肉香。肋眼牛排🥩 肋眼屬高級牛排，油花分布均勻，煎三成熟最佳，外脆內嫩、肉汁豐富，入口滑滑。伯爵茶🍵 香氣淡雅，帶佛手柑果香，茶味溫和帶清新柑橘味，配甜品好襯。凍鮮奶咖啡🥛☕ 用濃縮咖啡加冰凍鮮奶，入口順滑又有咖啡香，夏天飲最消暑。

西班牙黑毛豬鞍 ($170)黑毛豬鞍烤得外表微微焦香，肉質嫩滑多汁，脂肪分佈均勻，入口帶濃郁嘅炭烤香味同肉香，咬落有嚼勁又唔油膩，黑椒醬汁微微辛辣提味，食落好滿足安格斯級封門柳 ($190)封門柳煎得外層焦香，內裡嫩滑juicy，肉質帶豐富嘅肉香，咬落有啖啖肉感，入口軟腍，叫左5成熟，熟度啱啱好，切開呈現吸引嘅粉紅色90分鐘薯條任食每人叫一客晚餐就可以享有90分鐘薯條任食，薯條炸得金黃酥脆，熱辣辣，鹽味適中，唔會太膩，而且係粗薯條，食落好滿足凍檸檬茶凍檸檬茶茶味濃郁，糖水另上可以自己調節甜度，解渴一流熱洋甘菊茶熱洋甘菊茶用小茶壺上枱，感覺精緻，花香清淡，飲落舒服，啱啱好中和肉感

上星期有日平日晚放工同朋友在銅鑼灣食左呢間CP值高既扒房一入到去感覺好光猛好乾淨無油煙味一邊梳化的座位寬敞舒服呢間餐廳重點除左食扒之外仲有90分鐘薯條放題而薯條仲要係出色即叫即整 熱辣辣香噴噴入口外脆內軟我地每人都encore左兩輪兩輪都keep到呢個水準 //封門柳 $190//叫左五成熟一切落去輕易切到底肉色呈嫩粉紅入口肉味香濃超多肉汁 //肋眼牛排 $190//肉眼都係叫左五成熟外層烤至微微焦香入口有焦香味肉質嫩滑 脂肪比例剛好伴碟有沙律菜同蕃茄仔另外配上黑椒汁同牛扒好

今次除咗order左封門柳，仲叫左個好有特色嘅油封鴨髀，估唔到呢間小店都做到咁出色嘅菜。首先係油封鴨髀，外皮炸得金黃香脆，鴨肉仲keep到超級嫩滑同多汁。食落肉質肥而不膩，皮香肉嫩，味道濃郁，配埋薄荷蛋黃醬，提升咗整體嘅口感層次，好有法國傳統嘅風味。至於封門柳，肉質軟腍同油脂分佈均勻，肉質特別嫩滑，唔會韌，帶有少少內臟香氣，牛肉香味夠哂濃郁。佢嘅味道係濃烈而有層次（又唔會重口味），入口即化，配搭埋佢嘅黑椒醬汁，非常出色👍🏻仲有樣好正嘅嘢，佢呢隻薯條係我鍾意嗰隻，外面好脆，但裏面嘅薯條肉係好腍，重點係，晚市套餐可以90分鐘薯條任食+包一杯野飲，最後叫咗兩兜薯條（Vivian一個隊晒✌🏻

今日同同事去銅鑼灣一間西餐廳食lunch，晚餐主打鋸扒。餐廳環境舒適，座位寬敞，喺鬧市中難得可以慢慢食。午餐選擇多，價錢由$60到$100幾都有。我點嘅烤鰻魚丼飯，鰻魚非常大條同完整。同事烤格陵蘭比目魚飯配阿根廷香草醬，但等咗成20分鐘先上菜，我食完佢先有得食。同樣地隔離枱都係我哋食完佢哋啲菜仲未上。。整體食物質素唔錯，價錢合理，但出餐速度真係太慢。如果唔趕時間，都可以考慮。建議避開繁忙時段去食。

最近我去咗位於銅鑼灣的Supreme Steak & Grill，呢間西式扒餐廳環境時尚，氣氛輕鬆，非常適合與朋友聚餐。我哋試咗油封鴨腿配薯條，鴨腿外皮香脆，內裡肉質嫩滑，味道非常濃郁，搭配上新鮮的薯條，真係一個好享受。而且，呢度最特別嘅係薯條可以免費refill，無論你食幾多都唔怕唔夠，真係好人性化。接住我哋點咗肋眼牛排，煮到五成熟，肉質鮮嫩多汁，咬落去滿是肉香，搭配薯條更加完美！牛排旁邊仲有一啲新鮮蔬菜，平衡咗整體的味道，令人食得過癮。飲品方面，我試咗Iced Cappuccino同Iced Latte。Cappuccino嘅奶泡滑順，咖啡味道濃郁，十分提神；而Latte就更加香滑，味道平衡，非常適合配餐。整體而言，Supreme Steak & Grill的菜式質素高，味道出色，服務態度友善，環境舒適，特別係免費refill薯條令我十分驚喜！我肯定會再返來，期待再試其他美食！

星期五晚訂咗位試吓，因為晚餐前一個行程要等，我哋先致電餐廳遲到，職員好有禮貌幫我哋改時間。當晚唔滿座，有1/3吉枱，到餐廳時可以任揀坐位，我叫咗和牛西冷，老公叫咗安格斯級封門柳。我自己比較鍾意和牛西冷，有口感，牛味適中，肉汁豐富，加多少少黑椒及鹽，十分美味。老公就鍾意安格斯封門柳，比西冷濃味，比較有咬口，性價比高👍🏻薯條是任食的，我哋都每人添了一次😋唯一可以改進的，是黑椒汁，可以再濃味一點。希望下次再有進步

為食花太郎 Fafafoodblog Supreme Steak & Grill 呢間銅鑼灣餐廳有唔同既扒餐 薯條仲要任食 勁正 首先d薯條好香脆 就甘食或者點茄汁都好味 扒餐整體高質🍴西班牙黑毛豬鞍 170 蚊🐖豬鞍連埋豬骨 近筋位口感彈牙 成個豬肉好嫩滑 🍴美國安格斯肋眼牛扒 190 蚊🐂牛肉有200g ,.牛扒好彈牙 煎得剛好 肉質juicy. 配d燒汁就好正#牛扒 #薯條 #任食 #豬鞍Score 平均分< 7.8/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻👍🏻~~~~~~~~~~~~~#supremesteak&grill銅鑼灣景隆街15 至27號海都大廈地下4 鋪~~~~~~~~~#fafafoodblog #為食花太郎 #fafafoodblog銅鑼灣====================

係銅鑼灣行完街去返Sogo 後面條街搵嘢食比佢門口餐牌吸引住入去簡直係肉食愛好者嘅天堂Supreme Steak & Grill我哋嗌咗安格斯級封門柳同埋安格斯級肋眼牛排🤤晚市套餐包90分鐘任食薯條🍟Refill嘅時候等咗一陣因為係新鮮炸起㗎！薯條🍟烤得金黃酥脆安格斯級封門柳🥩 $190肉質鮮嫩多汁，油花分布均勻，入口即溶💃 五分熟完美保留咗牛肉嘅鮮甜同埋肉汁🥰 搭配店家特製嘅黑椒醬汁，更增添了層次感😋安格斯級肋眼牛排！🥩 $190厚切肋眼，外層烤得焦香酥脆，內裡卻是粉嫩多汁，肉香四溢🤤 豐富嘅油脂在口中融化，帶來濃郁嘅香氣和滿足感😌 我個人偏愛五成熟，既能享受到外酥內嫩嘅口感，又能品嚐到牛肉嘅原汁原味💯📍Supreme Steak & Grill (銅鑼灣)🔎銅鑼灣景隆街15-27號海都大廈地下4號舖

I visited this steakhouse with my Indonesian friend yesterday night because it provides free flow of French fries upon ordering any dinner set, and he is a French fries lover. The environment of this steakhouse is very good, suitable for gathering and chatting. Although the food takes time to cook, the beverage was served very quickly. The waitresses there were very nice and friendly, and are willing to refill the French fries whenever we finished. Although the free flow of French fries was limi

今次試咗銅鑼灣一間好抵食嘅西餐廳，最正係任食薯條，薯條炸得金黃香脆，仲可以無限refill，薯仔控一定滿足！ 主菜叫咗封門柳，肉質超嫩滑，牛味濃郁，煎得啱啱好，切開仲見到粉嫩肉色，配埋黑椒汁簡直一流！另外試咗烤比目魚排，魚皮煎到脆卜卜，魚肉雪白嫩滑，一啲都唔腥，加少少檸檬汁更加鮮味。 兩款主菜份量都好大，完全唔使驚唔夠飽。飲品叫咗凍檸檬可樂，冰涼爽快，同薯條好夾！ 成餐飯人均都係$200左右，以銅鑼灣地段嚟講真係好抵，加上食物質素高、份量足，絕對會再嚟幫襯！