燒肉の牛太・本陣 (H8)

营业中

休息中

最近夏日限定推出左午市Set選擇好多 Set餐亦都好豐盛價錢由$119起 好抵食✨窗邊設有塌塌米位置 環境開揚食燒肉最擔心抽風系統唔好呢間燒肉店食完唔會成身油煙味抽風系統相當好🔸三品盛合燒肉御膳 $149呢度嘅午市盛盒好豐富，除咗有燒肉之外，仲包埋日本白米飯、沙口、拌菜、泡菜、韓國紫菜、湯、飲品及甜品。呢個餐嘅三品燒肉分別係牛肋肉、橫隔肉同埋塩燒牛舌。牛肋肉食落好軟腍，橫隔肉牛味香濃，塩燒牛舌厚度適中，食落好juicy。最後甜品仲有多款Haagen Dazs口味嘅雪糕揀，有哈蜜瓜🍈味，好正☺️🔸燒肉二品御膳 $149燒肉二品分別係上級牛肋肉同埋上級牛脊肉。上級牛肋肉嘅油脂分佈好靚，食落油脂感好豐富，肉質嫩滑入口即溶，超滿足。上級牛脊肉嘅色澤好靚，食落牛味十分濃郁，口感細膩。我哋仲加咗$12升級做幸福生蛋飯，白米飯撈日本生雞蛋，配埋美味嘅燒肉真係一流嘅享受。