高興 (已結業)

餐廳雖然位於工業大廈，但係因為都近港鐵站，而且環境同食物都出色，所以吸引左唔少人慕名而來。行開觀塘呢區區，作為一個為食妹，當然要黎試一試啦。先咁講環境，雖然位於工業區，但係佢嘅裝修好有特色，坐得好舒服，擺設有啲懷舊復古嘅味道，但又唔會同原本裝修格格不入。食物方面，叫咗一個朱古力香蕉pancake同埋English breakfast tea。朱古力同香蕉一直都係好夾，再加上佢嘅pancake好厚身，唔會太硬，一啖pancake一啖朱古力雪糕，正！食完之後飲番杯茶消滯，再欣賞下呢度嘅環境，渡過咗一個愉快嘅下午。