首首.韓式小館 (已結業)

灣仔利東街經過裝修之後變得好靚，翻新過後自然都吸引咗唔少高級餐廳進駐啦，今次就試左一間高級韓國餐廳，裏面除左有小菜之外仲有一個酒吧，可以食野加飲野~燒汁牛肉拌飯，除咗有惹味燒汁牛肉之外仲有各種爽口蔬菜，加上少少辣汁撈埋一齊食，非常唔錯~韓式煎薯餅，薯仔切絲加上紅蘿蔔絲同小小蔥花，造成餅形之後再煎香兩邊，非常香口，點上微酸嘅醬汁之後送飯一流~香酒燉煮豬腩肉，肥瘦均勻，好淋好香，隨碟附上已經搽上醬汁嘅香葉，夾小小泡菜洋蔥菜包埋豬腩肉一齊食會更滋味~