更多
2022-05-28
850 浏览
同朋友行完山后直接去左呢间位于新蒲岗食晚饭😋我地去到嘅时候已经8点，但都仲系有唔少人系外面排队等位，相当好生意。好彩朋友有预先订定枱，冇几耐就有得入。✨豉汁蒸大白鳝（$138）每次同呢班fd食饭都会叫蒸白鳝😂但令人有少少惊喜嘅系餐厅连白鳝都有好多款唔同嘅煮法，而且价钱唔贵，但保守起见我地都系叫左最经典嘅豉汁蒸白鳝。可能因为价钱嘅关系所以白鳝唔算话好大条，但味道非常唔错，鳝肉鲜嫩😋✨潮州蚝仔粥（$128）潮仔粥有一碗同一锅拣，我地4个人所以就叫左一锅。餐厅嘅份量都比得几慷慨，入面加满左大大粒嘅蚝仔。✨卤水鹅片拼鹅肝（$178）食打冷当然唔可以错过佢地嘅卤水喇，我地就叫左鹅片拼鹅肝。佢地嘅鹅肝煮得非常入味，而且口感细滑，可惜只系得4片🤧完全唔够喉。鹅片就相当普通啲，口感有少少鞋。✨潮州蚝饼（$80）佢地嘅蚝饼真系必点，$80有两大件非常抵食！而且入面落足蚝，蚝仔嘅火喉控制得岩岩好唔会缩晒水，非常好味😋✨姜葱啫筒蚝（$178）最后呢款筒蚝我同朋友都一致话好食，大推！大大只嘅筒蚝以姜葱爆香，外面锅气十足，而蚝肉亦保持到鲜嫩，姜葱亦都系精华❤️$178有八大只，都几抵！
✨豉汁蒸大白鳝（$138）
每次同呢班fd食饭都会叫蒸白鳝😂但令人有少少惊喜嘅系餐厅连白鳝都有好多款唔同嘅煮法，而且价钱唔贵，但保守起见我地都系叫左最经典嘅豉汁蒸白鳝。可能因为价钱嘅关系所以白鳝唔算话好大条，但味道非常唔错，鳝肉鲜嫩😋
✨潮州蚝仔粥（$128）
潮仔粥有一碗同一锅拣，我地4个人所以就叫左一锅。餐厅嘅份量都比得几慷慨，入面加满左大大粒嘅蚝仔。
✨卤水鹅片拼鹅肝（$178）
食打冷当然唔可以错过佢地嘅卤水喇，我地就叫左鹅片拼鹅肝。佢地嘅鹅肝煮得非常入味，而且口感细滑，可惜只系得4片🤧完全唔够喉。鹅片就相当普通啲，口感有少少鞋。
✨潮州蚝饼（$80）
佢地嘅蚝饼真系必点，$80有两大件非常抵食！而且入面落足蚝，蚝仔嘅火喉控制得岩岩好唔会缩晒水，非常好味😋
✨姜葱啫筒蚝（$178）
最后呢款筒蚝我同朋友都一致话好食，大推！大大只嘅筒蚝以姜葱爆香，外面锅气十足，而蚝肉亦保持到鲜嫩，姜葱亦都系精华❤️$178有八大只，都几抵！
张贴
