黑木亭居酒屋 (金馬倫道)

之前系天后都试过黑木亭，今晚行完街就试埋尖沙咀店，尖沙咀相对铺面较大，坐位较多，光线都较明亮少少。而且装潢上都有好日式。今次我同闺蜜两个人，试既野食唔多，但都好特别🤭天妇罗茄子田乐烧平时茄子多数都汁烧去烹调，但今次以天妇罗炸，炸到外层香脆，而且唔厚粉，重keep返靓靓既茄子肉、软烂口感，好食😋带子海胆青瓜卷日本海胆配上火灸带子，青瓜卷内更有牛油果，成个配搭系我钟意，而且好新鲜，而带子重带少少烧汁，单食都好够味。石板A5宫崎和牛厚切👍🏻👍🏻👍🏻 必食一上枱见到白烟雾起，听到发出治治声嘅石烧，非常吸引，但食要快手，唔快手就好易熟晒。和牛已经切片，食嘅时候再轻轻咁样印一印石板，入口即溶、牛味浓郁。日本啤酒拉面其实同啤酒完全冇关系，上层嘅啤酒泡其实系打到好滑、口感绵密忌廉。下层就系秘制嘅冷面汁配有口感既冷面。食嘅时候我就捞匀晒，入口有少少似冻食既雪糕拉面，好得意，出奇配合。蜜桃乌龙熊茶&北海道芒果牛乳乳酸今次朋友饮呢个蜜桃红茶，小熊依然都咁Cute。而我就试乳酸系列，味道适中，有好多嘅芒果肉喺入面，相对熊茶系列少少甜，各有特色。