黑木亭居酒屋 (金馬倫道)

家人為我慶祝生日，自己選了去黑木亭晚飯。到店才知道一星期前展開Cinnamoroll期間限定主題，所以店內有不少親子食客，候位的人也好多，幸好我們提前了訂座，訂了7:30pm的時段。餐廳提供期間限定菜單，本人對玉桂狗並沒特別鍾愛，從一般餐牌點餐就是了。火焰鵝肝和牛青蘋果卷，以和牛包裹飯卷，面層鋪上鵝肝及魚子醬，口感及味道好豐富！軟嫩的和牛、細滑的鵝肝、微微鹹鮮的魚子醬，各有其味道，又不會太過突出，配合得很好。刺物盛 寶藏。八點の覓食，有八款刺身及三隻生蠔。法國St. Martin生蠔，蠔肉飽滿，帶淡淡海水味。刺身都是常見款式，每款都算鮮甜。海膽份量不少，味道甜而不腥。沒嚐過的是飛機魚薄切，口感柔軟的白身魚刺身，味道清甜。流心芝士玉子燒，玉子燒面層灑上大量木魚碎，加上紫菜及醬汁，猶如御好燒的風味。玉子燒富蛋香，加上流心芝士，夠滋味。真燒蟹甲羅，用蟹蓋形的器皿盛載的甲羅燒，底下的蠟燭令甲羅燒保持微暖溫度，蟹膏上鋪滿蟹肉、蟹籽及蔥花，拌勻後可塗抹於多士上吃。略嫌調味偏淡，不夠濃郁。三味鐵板A5和牛鵝肝，熱石上有厚切和牛、大蔥蒜蓉和牛及鵝肝，和牛比起鵝肝出色。 半熟的厚切和牛充滿油脂香卻又不會

早幾日book定今晚約埋fd去挑戰下食到幾多串燒+飲到幾多啤酒先可以回到本好彩預早幾日book定位，因為一邊食一邊有人等位愈等愈多人，如果walkin就真係要等位等一段時間90分鐘一人串燒放題，串燒都多款可以食，上菜嘅速度都幾快，基本唔洗等太耐就有得食。我幾鍾意食厚燒牛舌，夠厚又夠嫩，燒得好香好好食，我諗淨牛吞都食左5，6串。任飲啤酒汽水另外加左錢任飲，飲左幾罐asahi，同fd齊齊飲最有氣氛，如果鍾意飲酒嘅絕對可以邊食邊飲實回到本

同朋友三五知己去食，見到各大平台都推薦呢間串燒放題就走去試吓。點知首先佢哋員工都唔知個價錢包啲咩，同我講話包出邊小食bar同埋Menu上面嘅串燒，出去夾嗰陣時候又比另一個員工截停咗話冇加錢，唔包小食bar。上菜嘅速度慢到唔可以再慢，其實放題嘅食飯時段淨係上咗三轉。催單咗半個鐘都未上唒第一張單嘅串燒 叻。然後叫串燒豆腐係凍嘅員工服務態度又差 淨係係咁同我哋講幾時last order 趕住交枱但係所有單都甩晒。又要賺到盡 但係又做唔好 不如唔好做放題 no

放題串燒啲食物，勁難食 同個價錢完全不合理，仲要係凍嘅真係又貴，又唔好食 絕對唔可以再去簡直貼錢買難受啲串燒HKTVmall買返嚟自己屋企氣炸鍋都冇咁嬲種類非常之少，全部都係可以網上面買嗰啲急凍串燒

值得一試既尖沙咀居酒屋👌🏻睇番上次黎已經係一年前，對黑木亭既印象依然好深刻 今次帶埋朋友黎聚一聚，質素算保持得到見到推介菜單有款造型特別既沙律外觀似係雪茄，點估到係薯仔沙律✨雖則只係普通既沙律，但呢個造型絕對值得加分主食方面 叫咗份廚師發辦嘅壽司 三文魚、吞拿魚、海膽蝦等 正常發揮今日嘅重頭戲 一定係壽喜鍋 話明係熊仔鍋中間有個熊仔造型嘅湯底 和牛都唔錯 夠肥美以150g+100g肉量 女仔既話都算岩岩好 如果男士既話 可能就會細份咗少少 另外再叫咗兩杯飲品 檸檬青瓜梳打 同 佛手甘茶

之前原來去過呢間餐廳食過，水準唔錯過時未有串燒放題，但咁次見社交平台 foodie 講到好抵食，好正，就去下，點知上到去侍應帶入我地坐卡位，仲同我地講加$98蚊有小食同飲品，跟住行去睇下d預食，完全好唔吸引😲壽司又唔新鮮，見到都唔想食，串燒又唔係好多款色，黎到D串燒又唔係好熱，仲話唔熱有個爐可以整返熱佢，嘩😰，一聽到呢句野姐係整定晒出黎，完全唔係新鮮整，真係唔會再去食呢間野，侍應又唔係好服務，真係可一不可再😤我真係第一次俾劣評既餐廳

黑木亭真係唔止日式料理咁簡單，今次專登試咗佢哋既串燒放題：🥬 鴛鴦翠玉瓜 — 一次過食到兩種做法嘅翠玉瓜，解膩又清新。🥓 黑豚五花腩串 油香澎湃，表面焦香帶微脆，入口油脂即溶，肉味濃郁得嚟又帶少少甘甜。🍍 沖繩黑糖燒菠蘿 — 濃郁黑糖香氣包住多汁菠蘿，一燒即升級，甜中帶酸。🦪 煙肉粒牛油汁燒蠔 —滑得嚟有肉感，配煙肉粒鹹香中帶少少奶油味，好邪惡，不斷encall！野食黎講係OK, 我地大概7點左右入座，90分鐘放題，去到最尾30分鐘一人多就不斷miss order，要三催四請先有野食黎，同埋黎到錯晒，呢樣就真係麻麻地！

黑木亭居酒屋@尖沙咀📍尖沙咀金馬倫道58-60號國鈀大廈地舖至1樓💸$220-$250居酒屋推出咗$198任食串燒放題，21款串燒隨便order，一到飯點已經坐滿哂人，好誇張，建議大家一定要book位！+$98仲可以任飲啤酒+飲品，啱哂一班frd食返夠本。🍤大大件雞翼(一串)雞翼真係大大件，燒得啱啱好，外皮微脆，肉質保持juicy！🐖 厚切豬頸肉串豬頸肉切得真係厚身，燒到外層微焦脆口，食落超入味，炭火香氣十足！🍙 醬油飯團 & 明太子飯團明太子鹹香濃郁，海苔脆口，食串燒同時都可以食任食飯團，開心！醬油飯團醬香氣十足，唔會過鹹，簡單又好味。🦪黑松露白汁燒蠔生蠔燒到剛好熟，保持到嫩滑口感。黑松露白汁香氣突出但唔會蓋過蠔味。🐽 黑豚露筍卷露筍咬落有口感，同黑豚肉味道好夾！食多幾串都唔會覺得滯，加分加分。

平時去居酒屋食串燒都會就住嚟嗌，因為驚埋單會好貴，但今次嚟到呢間餐廳終於可以瘋狂任點（食得晒至好嗌啊！）因為他們正在做$198一人串燒放題（星期一至四)，提供逾二十多款串燒選擇，另可加$98升級啤酒/指定無酒精任飲，酒鬼最愛！串燒太多就不逐一細數了，不過以下幾款重點推薦，記得第一輪要先點。厚度適中入口爽彈的薄切牛舌食落好juicy的燒汁牛肉金菇卷燒到微焦脆口的厚切豬頸肉甜鹹味道融合的黑豚荔枝卷食落清爽不油膩的蒜芯、秋葵豚肉卷大件又肉質嫩滑的雞翼及雞腿肉仲有黑松露白汁燒蠔及芝士燒蠔、香脆雞軟骨、沖繩黑糖燒菠蘿、日本甜番薯、醬油及明太子飯團都唔錯。店家在每張桌上還配備小烤爐可自行加熱串燒。另外提提人客真的很多，記得提早訂位呀！

第一round 嗌燒蠔，第一碟就送上，唔熱唔暖，室溫的，然後慢慢再送上雞肉串雞軟骨，都係唔熱，問左一個侍應先講一陣俾爐，等左10分鐘仍然無爐，再問先俾，中間開始嗌多round ，但第一round 野食未到齊，有無得食都完全唔知無侍應講，然後繼續不斷俾左duplicate既野我地食一兩串咁塞啲俾你，嗌左既無黎，無嗌既係咁黎，259蚊係咁食相同既野，翠玉肉烚熟拎出黎，又係暖的，係靠隻碟熱熱住啲食物？唔理解。

之前喺網上見到短片話串燒放題仲有live band去到原來係無嘅🤣所以尋晚同朋友去食首先要讚吓職員服務態度真係好好 好殷勤 但見到佢哋都真係好忙地點位置好方便 如果以放題價錢198食串燒聽落去真心好抵但係坐落先知原來串燒得10款多啲啲真心好伏 感覺好似我哋貼錢俾老闆做生意咁真心如果以放題你打尼門生意係絕對失敗我絕對感覺到廚房，完全係招架唔到咁多人嘅串燒7:25落單 大概20分鐘先上到兩隻生蠔仲要係凍嘅然後嗌嘅豬肉雞皮雞軟骨，全部上到嚟都唔夠熱豆腐都係凍嘅職員好好禮貌，俾咗個爐仔我哋去加熱食物質素真係好一般 畀緊$198仲要成場好大煙除咗要讚啲職員，我都冇乜嘢讚得落結果食咗兩輪就截order因為就夠鐘真心O嘴

趁星期五放假約咗老公去尖沙咀搵食，今次揀咗間人氣店嘆嘆串燒，因為行經餐廳樓下比它吸引，$198任食 還可追加$98任飲，重點竟然有蠔，種類講真唔算多，不過價錢算經濟，每樣都熱辣辣，如果驚凍咗店員會提供gas爐比你預熱，細心位，好多一對對傾下偈嘆住串燒，個人極愛嘅燒牛舌燒得剛剛好唔會過韌，燒雞亦仍有汁水，雞比軟骨雞髀肉都齊，豬五花甘香油脂爆口，當然金菇牛肉卷，露筍卷，荔枝豬肉卷都出色，燒菠蘿超甜，燒蠔一般因為用咗醬汁蓋過蠔嘅鮮味，黑松露唔太配搭， 純個人口味。冷氣夠亦唔成身燒烤味，爽，飲品都多選擇， Asahi， Apple Cider, 汽水，特飲也有，可以接受。全店嘅員工都偏後生有活力，跟單處理都快手。其實還有入口一個小吧台，有麵豉湯沙律同埋凍蝦添。

今日去咗尖沙咀嘅黑木亭居酒屋，想試下佢哋嘅廚師發辦壽司同和牛壽喜燒！🥳 裝修都幾有日本 feel，好有氣氛！😎🍟 薯茄薄脆包住薯仔沙律，幾過癮！👍 個薯仔沙律夠晒 creamy，配埋脆卜卜嘅薄脆，口感好豐富！😋🍣 廚師發辦 8 貫壽司全部魚生都厚切，新鮮！🤩 個壽司飯用咗赤醋，有誠意！👍 每件壽司都好足料，食落口好滿足！🥰🥩 和牛壽喜燒一上枱哇咗一聲，好大份！🤤 特別讚當然係宮崎 A5 和牛，油份足又有肉味，正！👍 個湯底又夠晒味，配埋啲蔬菜一齊食，好滋味！😋🍹 檸檬青瓜特飲唔太甜，好消暑！😌 檸檬味清新，配埋青瓜，好解渴！👍🍹 紅火龍佛手柑特飲有少少西柚嘅苦味，不過覺得甜咗啲啲！ 但係個味道都幾特別，值得一試！👍呢間食物水準都幾高，環境又舒服，見到仲有串燒放題，幾抵食咁！下次一定要試試👍📍 尖沙咀金馬倫道58-60號國鈀大廈地舖至1樓@chillchill_aloye #尖沙咀美食 #壽司 #和牛 #居酒屋 #foodiehk

食物質素差，奉勸一句，不要在下午茶時段去吃！！！首先，當天去到餐廳，我們表示已訂枱，但經理沒有詢問我們電話號碼，直接叫我們掃枱面串燒放題QR Code，我們本是想叫單點的，看完餐牌後覺得沒有興趣，最後都照食串燒放題。之後餐廳就在openrice顯示我們缺席，這會影響到等級，再訂座就要給訂。雖然後來見到放題不設訂座，但我們表示了已訂座，可以通知我們不可放題的，而不是連電話號碼都沒有詢問直接叫我們放題然後再說我們缺席。我們都打去餐廳詢問，指會幫我們處理，但過了兩天都沒有處理。我們原本沒有想給差評，所以沒有影太多相片串燒乾蠔過分縮水

在香港這個高消費城市，198港幣的日式串燒放題確實算是比較親民的選擇。日式串燒放題食品包括， 肉類有雞肉，牛肉和豚肉選擇， 雞肉有雞腿肉燒雞皮，燒雞軟骨，雞翼， 燒雞翼係我最喜歡，有鹽燒和蜜糖兩款口味 ，兩款都好味。 燒豚肉都好多選擇， 包括有燒豬頸肉 黑團五花腩 ，亦有包著蒜心 、 秋葵 、蘆筍或荔枝一齊燒的， 口味清新 ，不油膩 。此外還有牛舌，牛肉金菇卷，煙肉粒牛油燒蠔， 黑松露白汁燒蠔， 亦有野菜類， 包括粟米 、甜薯、菠蘿、翠玉瓜 、豆腐，但豆腐同粟米令人很失望，好乾。另外仲有兩款飯團，明太子味同醬油味。如果想追求高質素串燒體驗，就可能未必能夠滿足要求。餐廳上菜速度雖然好快，但覺得唯一有待改善嘅地方係串燒可以熱啲。另外，佢有98蚊任飲， 但嘢飲嘅選擇唔夠吸引，對於唔鍾意飲酒嘅人嚟講就唔會選擇， 但佢都有茶水供應嘅👍🏻