杉玉 (沙田中心) (已結業)

通常想食日本嘢就會去杉玉，覺得佢哋質素幾穩定，仲要周不時有期間限定，整體體驗好正！一入去就感受到濃厚嘅日式氛圍，服務人員態度都好好，令人覺得幾舒服。首先試咗海苔日式炸豆腐，外脆內嫩，豆腐質地滑溜，配上海苔嘅香味，真係好開胃。茶碗蒸亦唔錯，面頭有三文魚子，滑滑地，蛋香味十足，非常好食。然後就到天婦羅盛盒，配上抹茶海鹽，天婦羅炸得金黃酥脆，蝦幾鮮甜，抹茶海鹽更添風味，為傳統天婦羅帶來新意！今次試咗兩款新嘅期間限定，炸忌廉芝士香辣吞拿魚蓉卷就更加驚喜，炸得外脆內滑，芝士嘅香味同吞拿魚嘅鮮味幾match。雞腎天婦羅配咖喱鹽，雞腎炸得啱啱好，咖喱鹽添咗一層獨特風味，好特別。佢哋嘅壽司都非常好，三文魚新鮮，切得幾厚幾大舊整體來講，杉玉餐廳嘅食物質素高，味道出色，下一次一定會再來！