影片
营业时间
今日营业
11:00 - 22:30
星期一至四
11:00 - 22:30
星期五至六
11:00 - 23:00
星期日
11:00 - 22:30
公众假期
11:00 - 22:30
公众假期前夕
11:00 - 23:00
*星期一至四、日及公众假期(*公众假期前夕除外)：最后点餐时间22:00
星期五、六及公众假期前夕：最后点餐时间22:30
以上资料只供参考，请与餐厅确认详情
相关文章
通常想食日本嘢就会去杉玉，觉得佢哋质素几稳定，仲要周不时有期间限定，整体体验好正！一入去就感受到浓厚嘅日式氛围，服务人员态度都好好，令人觉得几舒服。首先试咗海苔日式炸豆腐，外脆内嫩，豆腐质地滑溜，配上海苔嘅香味，真系好开胃。茶碗蒸亦唔错，面头有三文鱼子，滑滑地，蛋香味十足，非常好食。然后就到天妇罗盛盒，配上抹茶海盐，天妇罗炸得金黄酥脆，虾几鲜甜，抹茶海盐更添风味，为传统天妇罗带来新意！今次试咗两款新嘅期间限定，炸忌廉芝士香辣吞拿鱼蓉卷就更加惊喜，炸得外脆内滑，芝士嘅香味同吞拿鱼嘅鲜味几match。鸡肾天妇罗配咖喱盐，鸡肾炸得啱啱好，咖喱盐添咗一层独特风味，好特别。佢哋嘅寿司都非常好，三文鱼新鲜，切得几厚几大旧整体来讲，杉玉餐厅嘅食物质素高，味道出色，下一次一定会再来！
继续阅读
今次试咗两款日式午市定食，第二次嚟， 不过今次感觉寿司饭细咗啲。天妇罗 寿司定食 鲷鱼汤拉面，寿司定食🍤 天妇罗寿司定食天妇罗炸得轻盈酥脆，咬下「咔嚓」作响，面衣薄透不腻，蘸萝卜泥酱汁更开胃。附8贯寿司，醋饭温润，鱼鲜有油花，整体份量足，性价比高。 🍜 鲷鱼汤拉面寿司定食** 汤头浓郁，有鲜味，细面吸汤力强， 仲有蚬肉。定食附10贯寿司，玉子烧微甜带高汤香，与拉面搭配平衡。 最爱虾和三文？鱼，一个字 ‘’鲜‘’坐位舒适， 空间宽敞，不过职员略少。总结：两款定食新鲜抵食，天妇罗香脆，鲷鱼汤鲜，午市大概200蚊，值得回头。
继续阅读
一坐低用社交平台 follow 杉玉acc 先一个acc可以换一杯饮品我换左西柚汁同苹果汁苹果汁就普通 但西柚汁就超级酸同有少少涩池鱼骨脆饼（$18）一碗满满既池骨鱼份量都几多，香口脆卜卜味道少少咸，鱼骨都容易咬👍🏻冇话new 到口会痛就咁食有少少dry,可以吃店员另外加碗沙律酱口中没休炸薯条（$25）薯条较幼身，连埋薯仔皮更加香口酥脆炸忌廉芝士细卷拌香辣吞拿鱼蓉（$18）味道一般，胜在价钱够平每件寿司面头有粒类似酸青椒物体 比较似中菜既味道同个炸寿司唔夹大人的薯仔沙律（$48）薯仔蓉牛油味几重又香滑，捞埋沙律酱、鱿鱼、洋葱味道意外地几夹 有惊喜海鳗青瓜（ $40 ）鳗鱼既存在感极低，件青瓜又太大旧 ，净系食到d青瓜同日式烧汁嘅味道😟完全唔值全吞宴（$113）同寿司郎嘅刺身质素差唔多，刺身有比较厚身大吞拿鱼腩既脂肪纹路靓，食落鱼油香味加埋醋饭系更加好味😋
继续阅读
又系下午茶时段，无所事事唔知食乜，咁啱经过杉玉又唔系好多人，所以入咗去试吓好唔好食，因为想静静地好怕嘈。首先入到舖头，舖头环境装修都几舒服，座位又唔会好迫，之后坐低见到Menu，啱啱好有下午茶，𠮶个时候都仲可以叫lunch，但因为我唔系好肚饿，所以叫咗个下午茶。老公同我一人嗌咗一份寿司拼盘，两款寿司拼盘嘅件数都唔同，其中一个拼盘啲寿司系多啲，另一个就少啲嘅，因为个餐跟一碗乌冬，又估佢唔到㖞个乌冬汤底都几清甜，仲有几粒蚬肉几好味。
继续阅读
最近同朋友一齐去咗 杉玉，餐厅环境带有浓浓嘅日式风情，木系装修同柔和灯光，营造出一个好Chill嘅用餐气氛。池鱼骨脆饼
呢款小食一上枱即刻令人惊喜！鱼骨炸得金黄酥脆，咬落去「卡滋卡滋」，带有淡淡嘅咸香，完全唔会腥，食落好似零食咁过瘾，系一个好开胃嘅开始。枝豆
枝豆简单但好味，煮得啱啱好，豆子鲜嫩，洒上少少海盐，入口清新又带点咸香，系日式餐厅嘅经典小食，百食不厌。柚子醋白子
白子入口即化，浓郁嘅奶香同柚子醋嘅清新酸味完美平衡，食落去完全唔腻，仲有种高雅嘅享受感，真是一个意想不到嘅惊喜！三文鱼海苔包配蛋黄酱油
三文鱼新鲜肥美，包裹喺脆口海苔入面，配上蛋黄酱油嘅浓郁香味，味道层次好丰富。咬落去，海苔嘅香脆同三文鱼嘅软嫩互相辉映，系一道好有创意嘅小品。盐荔枝×西柚梳打酒
饮品清爽开胃，盐荔枝嘅甜香同西柚嘅微酸好和谐，气泡感十足，饮落去好似为味蕾洗个澡，解腻又解渴，配搭呢餐丰富嘅日式料理真系一流。杉玉号绝品舟盛
呢个舟盛系今晚嘅高光时刻！刺身新鲜到不得了，刀工精细，每款海鲜都闪闪发亮。赤贝爽脆、吞拿鱼入口即溶、海胆浓郁香甜，食落去真系好似将海洋嘅精华送入口中，令人陶醉。王道3贯（吞拿鱼、海鳗、葱花吞拿鱼军舰）
呢3贯寿司各有千秋：吞拿鱼油脂丰富、入口即化；海鳗烤得外脆内嫩，甜酱汁好抢味；葱花吞拿鱼军舰则鲜香扑鼻，葱花嘅清新同吞拿鱼嘅浓郁好夹。三款一齐试，满足感爆棚！
继续阅读
您可能会有兴趣的...