REFLECT Restaurant & Bar

聖誕前特別多飯局，所以都發現左好多好食既餐廳，今次同fd去左旺角食墨西哥菜，位置好方便，旺角站D出口一出就見到！餐廳系頂層，有室內同室外位置，室內有bar枱，可以睇到調酒師整不同飲品。個人覺得性價比都幾高，食物味道幾好，有特色，份量都合理。燒烤雞肉手工Pizza $128Pizza餡料除左雞肉，仲有三色椒、洋蔥、橄欖、火箭菜，餡料豐富，燒烤醬汁味香濃，另外Pizza餅底同一般既吾同，呢度用左三層超薄脆片疊埋一齊做餅底，所以食落又脆口又有層次感。墨魚肉醬寬條麵 $188寬條麵系用手工意粉做出黎，店員拎到過嚟時仲話我地知，最好趁熱食，因為凍左意粉會變硬。意粉既醬汁幾好味，蕃茄味配墨魚肉醬，幾特別，系食完會想encore既意粉！肉眼牛扒 $328肉眼扒叫左7成熟，肉質偏瘦少少，吾會好多脂肪，會配大啡菇同烤蒜頭，夾埋一齊食幾好味，另外仲有配薯條同沙律菜。