八瀧

营业中

休息中

今日黎到尖沙咀呢間食omakase，日式裝修，感覺都係柔和舒服既，可以慢慢享受。😚日本赤水母刺身第一次食水母刺身，口感好得意，一條係好爽脆，好彈牙，配上柚子酸汁，酸酸地，反而更加帶出水母既鮮味，幾特別！🤓日本合桃小女子呢個由合桃，魚干，昆布碎同埋芝麻醃製而成，甜甜地，好似有啲焦糖咁，合桃脆脆地，魚干就幾煙韌，加埋啲爽爽地既昆布碎，幾濃香，口感都唔錯！🤩雜錦天婦羅天婦羅有甘鯛立鱗燒，日本南瓜同埋日本番薯，甘鯛勁勁勁鮮甜，炸到好脆，但又唔油膩，啲魚油既香滲晒出黎，連埋啲脆口既魚鱗一齊食，又香口又脆口；南瓜同蕃薯就整到外脆內軟，好鮮甜，完全食到本身既味道，全部都唔會油淋淋，一流！😋天婦羅海膽拿破崙呢個望到都覺得震撼，最上面係日本赤海膽，配一層脆紫菜之後係大拖羅蓉，最底又係脆紫菜，上面亦加佐淡雪鹽，海膽既咸鮮同拖羅既鮮味混為一體，紫菜既咸咸地加埋淡雪鹽既咸咸地又再進一步提鮮，一啖食落去口感味道豐富！😌木魚清湯呢個湯用茶壺裝住，魚湯好清香，淡淡鮮味，食佐咁多壽司再飲番呢個湯感覺好好！