影片
更多
2019-09-16
859 浏览
今早去天星大廈做完嘢，客人帶我去街中間食午餐，原來係一間鮨店，由於樓層高，可以望到維港景。店內木系裝潢柔和淡雅，入門右手邊係大約8個位嘅吧枱，同埋兩張2人枱，另外左手邊有仲有幾張枱。由於吧枱唔方便傾謁，我哋坐响2人枱。客人話呢度嘅廚師發辦定食好抵，我叫咗一個壽司定食 (8貫) $258定食包括：前菜、壽司、卷物、 蕎麥麵、甜品。前菜係蟹肉茶碗蒸同沙律 ，蒸蛋表面非常滑溜，仲有一層略稠嘅汁。底部有很多蟹肉，鮮甜美味，好味！沙律新鮮爽脆又開胃，正！8貫壽司有：中拖羅、深海池魚、油甘魚、右口魚、日本銀鱈魚、帶子、筋子、海膽，卷物係鐵火卷。店員提示先吃海膽同筋子， 以免紫菜變軟影響口感。滿滿嘅海膽味鮮，甘美豐腴， 食完齒頰留香！令人回味再三。筋子係季節限定，其實係新鮮三文魚籽，留有卵巢膜所以成串，經醃漬後顏色變為暗紅，味道鮮香雋永，好好食呀。帶子爽身鮮甜。油甘魚爽口甘甜有油香，深海池魚明亮粉紅， 肉質爽口味道甘香。日本銀鱈魚西京燒食得多，第一次食銀鱈魚刺身，肉質爽而油潤，有餘韻。右口魚肉質細緻滑溜，中拖羅口感柔軟，油脂豐腴，美味。冷蕎麥麵配蔥粒、山葵同豉油。將蔥粒、山葵放入豉油，然後夾起蕎麥麵
今早去天星大廈做完嘢，客人帶我去街中間食午餐，
原來係一間鮨店，
由於樓層高，可以望到維港景。
店內木系裝潢柔和淡雅，入門右手邊係大約8個位嘅吧枱，
同埋兩張2人枱，
另外左手邊有仲有幾張枱。
由於吧枱唔方便傾謁，
我哋坐响2人枱。
客人話呢度嘅廚師發辦定食好抵，我叫咗一個壽司定食 (8貫) $258
定食包括：前菜、壽司、卷物、 蕎麥麵、甜品。
前菜係蟹肉茶碗蒸同沙律 ，
蒸蛋表面非常滑溜，仲有一層略稠嘅汁。
底部有很多蟹肉，鮮甜美味，好味！
沙律新鮮爽脆又開胃，正！
8貫壽司有：中拖羅、深海池魚、油甘魚、右口魚、
日本銀鱈魚、帶子、筋子、海膽，卷物係鐵火卷。
店員提示先吃海膽同筋子，
以免紫菜變軟影響口感。
滿滿嘅海膽味鮮，甘美豐腴， 食完齒頰留香！令人回味再三。
筋子係季節限定，
其實係新鮮三文魚籽，
留有卵巢膜所以成串，
經醃漬後顏色變為暗紅，
味道鮮香雋永，好好食呀。
帶子爽身鮮甜。
油甘魚爽口甘甜有油香，深海池魚明亮粉紅，
肉質爽口味道甘香。
日本銀鱈魚西京燒食得多，
第一次食銀鱈魚刺身，
肉質爽而油潤，有餘韻。
右口魚肉質細緻滑溜，
中拖羅口感柔軟，油脂豐腴，美味。
冷蕎麥麵配蔥粒、山葵同豉油。
將蔥粒、山葵放入豉油，
然後夾起蕎麥麵沾醬汁食，麵條涼浸浸有香味，
口感煙韌，幾好食。
食完8貫壽司已經好飽，蕎麥麵實在食唔晒喇。
但係甜品係有第二個胃架，揀咗椰子雪糕，內有椰絲，好味。
尖沙咀食肆多不勝數，又搵到間高質抵食嘅。
张贴
