影片
更多
2018-09-25
133 浏览
鍾意食海鮮、又愛食自助餐，同事告知如心海景酒店嘅Café Circles正做緊「亞太海鮮盛宴」自助晚餐，咁兩全其美下，當然即訂定位，同另一半享受個Happy Friday Dinner Buffet啦⋯⋯哈哈😄！其實荃灣唔算成日去，初時都諗酒店位置會唔會難搵，我倆一個荃灣站、一個荃灣西落車，原來超方便，我喺荃灣站A出口沿天橋直往荃新天地再連接小天橋即到；而荃灣西站仲方便，旁邊已是如心海景酒店。準時到達，餐廳環境非常寬敞，高高嘅樓底令人心情都開朗啲，枱與枱之間距離亦好足夠，最重要當然係食物飲品區，同樣非常寬闊、劃分又清晰，令人特別開懷暢飲⋯哈哈！服務方便更要一讚，有禮細心嘅同時，清理食物碟相當快手，就連取食物區各廚師一樣笑臉迎人，主動介紹和推介食物，真係相當難得，值得一讚再讚！到自助餐主角啦，果然名符其實「亞太海鮮盛宴」，無論頭盤海鮮、冷盤、主菜、熱葷或即製食物，都發現唔同海鮮以不同方法口味炮製，超級驚喜。《頭盤海鮮》雪蟹腳、亞拉斯加蟹腳、翡翠螺、龍蝦仔、青口、凍鮮蝦 所有海鮮都非常新鮮鮮甜，雪蟹腳肉質豐富帶微微海水鮮甜、蟹腳杯質嫩、翡翠螺鮮蝦爽口鮮美，頭盤已樣樣！《冷盤》蟹肉啫喱、黑椒
其實荃灣唔算成日去，初時都諗酒店位置會唔會難搵，我倆一個荃灣站、一個荃灣西落車，原來超方便，我喺荃灣站A出口沿天橋直往荃新天地再連接小天橋即到；而荃灣西站仲方便，旁邊已是如心海景酒店。
準時到達，餐廳環境非常寬敞，高高嘅樓底令人心情都開朗啲，枱與枱之間距離亦好足夠，最重要當然係食物飲品區，同樣非常寬闊、劃分又清晰，令人特別開懷暢飲⋯哈哈！服務方便更要一讚，有禮細心嘅同時，清理食物碟相當快手，就連取食物區各廚師一樣笑臉迎人，主動介紹和推介食物，真係相當難得，值得一讚再讚！
到自助餐主角啦，果然名符其實「亞太海鮮盛宴」，無論頭盤海鮮、冷盤、主菜、熱葷或即製食物，都發現唔同海鮮以不同方法口味炮製，超級驚喜。
《頭盤海鮮》
雪蟹腳、亞拉斯加蟹腳、翡翠螺、龍蝦仔、青口、凍鮮蝦
所有海鮮都非常新鮮鮮甜，雪蟹腳肉質豐富帶微微海水鮮甜、蟹腳杯質嫩、翡翠螺鮮蝦爽口鮮美，頭盤已樣樣！
《冷盤》
蟹肉啫喱、黑椒吞拿魚、海鮮紫菜蛋卷、煙三文魚、燒釀雞卷⋯⋯等等
冷盤同樣見到好多海鮮，每款都各俱特色，又以蟹肉啫喱鮮甜特別、黑椒吞拿魚惹味、煙三文魚薰香美味。
《刺身》
刺身種類非常多，三文魚、吞拿魚、甜蝦、北寄貝⋯⋯等等，仲有賣相吸引嘅壽司盤，樣樣肥美新鮮，好好食。
《沙律》
所有沙律蔬菜賣相都非常新鮮，種類又超多，配以唔同醬汁，開胃或中段中和胃部，簡直一流。
《主菜》
自助晚餐每位一客芝士焗龍蝦配香煎鵝肝，龍蝦肉厚鮮甜啖啖肉；鵝肝煎得香脆又甘香美味，配上多士一齊食，超級棒！
芝士焗珍寶蠔 —
先欣賞感受廚師即場表演，火光熊熊炮製焗蠔，超級大大大隻珍寶蠔，蠔汁豐富又充滿蠔香，我都忍唔住食咗兩隻⋯⋯
《熱葷或即製食物》
熱食真真正正包羅萬有，選擇奇多，先來一連串海鮮熱盤。廚師即場製作嘅海鮮窩（配上個人喜好醬汁：蒜蓉汁、咖哩汁、薑葱）和即場製作潮式煎蠔餅，誠意十足，相當好食。
仲有焗蟹蓋、串標海鮮、海鮮蛋白燴西蘭花、烤魚、天婦羅、炸軟殼蟹等等，樣樣都美味吸引！
清蒸粉絲扇貝、燒牛腓骨西冷、燒羊肶、自家製燒味、海鮮咖哩、燒羊架、印度烤餅、意大利薄餅、松露芝士海鮮闊麵、龍蝦炆伊麵、海皇素翅湯、鄉村牛尾湯⋯⋯仲有更多更多好味吸引熱盤，簡直不能盡記！
《甜品》
七彩繽紛、種類繁多嘅甜品時候啦！
Haagen-Dazs靈三款味道雪糕、無可抵擋嘅芝士吧、令人童心未泯嘅朱古力噴泉、滋潤香滑嘅雪耳冰糖杏仁蛋白燉奶、傳統紫米露、新鮮水果，全在我肚皮內⋯！
緊接更多甜品，生果酥、焗藍莓杏仁金寶、伯爵朱古力奶凍、咖啡朱古力劇院蛋糕、芒果慕思蛋糕、雜果啫喱、栗子軟餅、香橙慕思蛋糕、焗西米栗子蓉布甸、焗菠蘿牛油布甸⋯⋯等等等，款式超多又好味！
無論食物選擇之多品質之高、海鮮美食烹調嘅變化、餐廳寬敞舒服嘅環境、優良嘅服務質素，仲有折扣後的價錢，今晚的確有一個大大大驚喜。一於就訂定位，下個月一家上下共10人為爸爸慶祝生日，再戰「Café Circles」啦 ⋯⋯哈哈哈！
张贴
