影片
更多
2023-07-17
63 浏览
呢間茶樓喺中環蘭桂坊附近，環境比較靜又夠光猛，坐好舒服！佢呢度嘅點心選擇唔算太多，但係選擇都相對上比較特別，都有好多其他小食飯麵、小菜類，入面有點心又有啲湯羹、鮑魚酥嗰啲，食材用料都幾有心思！佢嘅點心有得揀少鹽少油，一籠點心多數都係三件，如果四個人嚟嘅話，佢仲可以有加多一件呢個option，幾貼心！佢仲有個商務午餐提供，人頭$300唔使就已經食到十道菜，真係幾抵食！🔖而家星期六、日、公眾假期午市堂食仲有八折優惠！------------------------------💕◖水晶鮮蝦餃◗ $20一籠有兩粒，細細粒咁，裏面係蝦蓉，幾鮮甜但就冇乜蝦嘅口感～💕◖雲開小籠包◗ $68小籠包偏大粒，餡料都好足，咬落去嘅肉汁唔會太多，好香好鮮甜，肉味濃郁！💕◖一口和牛酥◗ $68每件細細件，炸得酥脆一絲絲咁，裏面係和牛內餡，食落一啲都唔油！💕◖脆皮叉燒餐包◗ $58呢個叉燒餐包面頭係墨西哥包嗰種脆皮，有趣有少少甜味，裏面有粒粒嘅叉燒肉，幾特別！💕◖XO醬金錢肚◗ $68落咗好多XO醬幾足料，同埋金錢肚嘅份量都幾多，均勻包裹上醬汁，好有蝦乾嘅嗰種鹹香，味道有少少辣，幾惹味！💕◖養顏棗皇糕◗
佢嘅點心有得揀少鹽少油，一籠點心多數都係三件，如果四個人嚟嘅話，佢仲可以有加多一件呢個option，幾貼心！佢仲有個商務午餐提供，人頭$300唔使就已經食到十道菜，真係幾抵食！
🔖而家星期六、日、公眾假期午市堂食仲有八折優惠！
------------------------------
💕◖水晶鮮蝦餃◗ $20
一籠有兩粒，細細粒咁，裏面係蝦蓉，幾鮮甜但就冇乜蝦嘅口感～
💕◖雲開小籠包◗ $68
小籠包偏大粒，餡料都好足，咬落去嘅肉汁唔會太多，好香好鮮甜，肉味濃郁！
💕◖一口和牛酥◗ $68
每件細細件，炸得酥脆一絲絲咁，裏面係和牛內餡，食落一啲都唔油！
💕◖脆皮叉燒餐包◗ $58
呢個叉燒餐包面頭係墨西哥包嗰種脆皮，有趣有少少甜味，裏面有粒粒嘅叉燒肉，幾特別！
💕◖XO醬金錢肚◗ $68
落咗好多XO醬幾足料，同埋金錢肚嘅份量都幾多，均勻包裹上醬汁，好有蝦乾嘅嗰種鹹香，味道有少少辣，幾惹味！
💕◖養顏棗皇糕◗ $42
呢個紅棗糕好煙韌，紅棗味道都幾香幾出，識落又唔會太甜～
💕◖黑豚肉叉燒腸◗ $68
呢個叉燒腸用咗黑豚肉，外皮幾薄同滑溜，似係用咗腩肉嗰啲位置，肉味幾濃郁，但就唔太食到叉燒嗰種燒烤味～
💕◖十年陳皮牛肉球◗ $50
牛肉球裏面有啲馬蹄，幾爽脆清甜，加上適量嘅芫荽同陳皮，成個香味出晒嚟！
🌟 Encore指數：8.4/10
张贴
