花木日本料理 (已結業)

又到weekend慰勞下辛勤工作嘅自己尖東天文台道好多好野食，同男朋友揀左去花木嘆下日本料理。整體環境比我感覺好舒服，店員服務都好周到。我地都糾結左一陣，唔知揀二人套餐定火鍋好。睇落火鍋性價比更高，有滿滿嘅前菜，包括龍蝦、刺身、壽司等，都係我想食嘅，同埋火鍋料都係任點，於是我地就叫左兩人份喇前菜到喇，魷魚粒粒加左wasabi，微辣都幾開胃好似藝術品咁，比相機食先龍蝦大大隻，啖啖都係肉，而且刺身好鮮甜！三件壽司都足夠滿足我，唔食咁多飯嘛之後上左松葉蟹，可以無限追加，係好正嘅，不過我地同蟹搏鬥到好攰，食左一份都無追加😂點埋蟹醋同芝麻醬更加好味，勁大條大擦一輪，店員好好幫我地換碟清理枱面，終於開始入正題，食火鍋喇！野菜盤入面最愛豆腐同金菇豆腐好高質，必須追加！金菇嚟曬醬油湯底，甜甜地好味道和牛同埋黑豚肉，牛肉d油花睇落幾靚，食落更高質，出奇嘅係，平時中意食牛嘅我，覺得呢度嘅黑豚肉好正！飽餐一頓好滿足食埋個甜品，分別係芒果同士多啤梨味，有d似yogurt又似奶凍，味道唔錯唔會太甜，隔離個舊柚子果凍好清新，解膩一流今次用餐體驗100分呀！