影片
更多
2024-07-07
11 浏览
今日天氣好熱，想食啲清爽啲嘅嘢，食日本菜魚生壽司就最啱啦。今日嚟到銅鑼灣新分店食lunch，星期六日下午都有lunch set，選擇好多，價格有平有貴，我哋今日各自叫了一個比較貴啲嘅刺身定食同埋魚生丼定食。每個定食都包括咗麵豉湯，日式茶碗蒸同埋沙律。沙律係胡麻醬沙律，日式清爽味道做一個午餐的開始。跟住我哋就趁熱食茶碗蒸，茶碗蒸熱辣辣，非常嫩滑。入邊材料豐富，有兩隻蜆，蟹柳冬菇等等，唔怪之得個蛋好鮮甜。橫綱刺身定食$285呢個刺身定食有五款刺身，有大拖羅，真鯛魚，油甘魚，大赤蝦，同帆立貝。款款都係貴價刺身，真鯛魚薄切味道鮮甜，大赤蝦真係好大隻，質地綿密鮮味，蝦頭蝦膏甘香啲。最後食大拖羅，油花靚，非常肥美，入口即溶。呢個定食餐可以揀飯或者烏冬，我哋就揀咗烏冬，烏冬粗幼適中，非常煙靭，湯底好清好味。特選海鮮丼定食$368我呢個海鮮丼賣相非常吸睛，好靚，一定要打卡先。10幾款嘅刺身魚生鋪在壽司飯上邊，色彩豐富，即時食慾大增。魚生有三文魚，赤身，左口魚，油甘魚，赤貝海膽，三文魚子，吞拿魚腩蓉，赤蝦，等等，仲有隻磯煮鮑魚。鮑魚煮得很爽腍，好入味。魚生款款都好新鮮。壽司飯已經用赤醋加咗紫菜絲調味，用
每個定食都包括咗麵豉湯，日式茶碗蒸同埋沙律。
沙律係胡麻醬沙律，日式清爽味道做一個午餐的開始。
跟住我哋就趁熱食茶碗蒸，茶碗蒸熱辣辣，非常嫩滑。入邊材料豐富，有兩隻蜆，蟹柳冬菇等等，唔怪之得個蛋好鮮甜。
橫綱刺身定食$285
呢個刺身定食有五款刺身，有大拖羅，真鯛魚，油甘魚，大赤蝦，同帆立貝。款款都係貴價刺身，真鯛魚薄切味道鮮甜，大赤蝦真係好大隻，質地綿密鮮味，蝦頭蝦膏甘香啲。最後食大拖羅，油花靚，非常肥美，入口即溶。
呢個定食餐可以揀飯或者烏冬，我哋就揀咗烏冬，烏冬粗幼適中，非常煙靭，湯底好清好味。
特選海鮮丼定食$368
我呢個海鮮丼賣相非常吸睛，好靚，一定要打卡先。10幾款嘅刺身魚生鋪在壽司飯上邊，色彩豐富，即時食慾大增。魚生有三文魚，赤身，左口魚，油甘魚，赤貝海膽，三文魚子，吞拿魚腩蓉，赤蝦，等等，仲有隻磯煮鮑魚。鮑魚煮得很爽腍，好入味。魚生款款都好新鮮。壽司飯已經用赤醋加咗紫菜絲調味，用大量海膽，三文魚子加上吞拿魚腩蓉拌勻一齊食，真係好好味，一大享受。
食完煮食之後飲返碗麵豉湯清清口腔，感覺好舒服，午市定食套餐仲可以加配甜品，但係我哋都已經好飽，所以就冇叫，留返下次再嚟再試啦。
张贴
