影片
更多
2020-05-15
1027 浏览
香港幾乎每個月都有過江龍拉麵店進駐，最新應該都算係中環的「◯de▽」，源自大阪，周奕偉的「周遊關西」都介紹過。唔知點讀？有日文拼音嘅，就係「Maru de Sankaku」。至於有咩吸引？香港由豬骨湯、醬油湯、蜆湯甚至雞湯拉麵店都有喇，鯛魚湯印象中應該未有，而日本都係近兩三年先興起，所以都好有興趣一試。中環店有少少僻，要由蓮香樓向上行一段斜路，店鋪細細的，只有十幾個座位，要有排隊的心理準備。順帶一提，拉麵賣完100碗就會提早收工，所以想食就唔好咁遲去。佢有鯛清湯、鯛白湯同沾麵三款選擇，另加幾款小食，不過當日去拉麵只得一款白湯（$138），冇辦法啦一場去到照食。白湯係用鯛魚加幾種貝類煮8個鐘而成，湯底帶少少灰色，然後師傅會再將湯打成泡狀，可能想佢滑身d掛。其實甫入店已經聞到濃烈魚湯味，就好似阿媽煲緊魚湯咁。未食麵先飲一啖，魚味係濃，但一點都唔腥，就好似老火湯咁。店員好親切地提醒，白湯味道比較濃，如果嫌味道太重，可以加入旁邊的柚子蓉中和下，其實淨飲已經好好飲，又唔鹹，但加左柚子又突然多返陣清爽味，味道又提升去另一層次，無論點飲都美味，最起碼我飲晒成碗，都完全唔覺得口渴。再講下配料。最特別係
至於有咩吸引？香港由豬骨湯、醬油湯、蜆湯甚至雞湯拉麵店都有喇，鯛魚湯印象中應該未有，而日本都係近兩三年先興起，所以都好有興趣一試。
中環店有少少僻，要由蓮香樓向上行一段斜路，店鋪細細的，只有十幾個座位，要有排隊的心理準備。順帶一提，拉麵賣完100碗就會提早收工，所以想食就唔好咁遲去。
佢有鯛清湯、鯛白湯同沾麵三款選擇，另加幾款小食，不過當日去拉麵只得一款白湯（$138），冇辦法啦一場去到照食。白湯係用鯛魚加幾種貝類煮8個鐘而成，湯底帶少少灰色，然後師傅會再將湯打成泡狀，可能想佢滑身d掛。其實甫入店已經聞到濃烈魚湯味，就好似阿媽煲緊魚湯咁。未食麵先飲一啖，魚味係濃，但一點都唔腥，就好似老火湯咁。店員好親切地提醒，白湯味道比較濃，如果嫌味道太重，可以加入旁邊的柚子蓉中和下，其實淨飲已經好好飲，又唔鹹，但加左柚子又突然多返陣清爽味，味道又提升去另一層次，無論點飲都美味，最起碼我飲晒成碗，都完全唔覺得口渴。
再講下配料。最特別係有好多魚肉粒，因為炙燒過所以帶香氣，唔腥亦唔鞋，好食。叉燒得一片，都腍嘅，但唔覺有滷過，所以冇咩味。筍有兩片，好有心思做成店名的圓形同三角形，爽口冇渣。洋蔥粒就增加口感同甜味。
黃色麵條粗幼適中，帶微曲，掛湯一流，更喜歡佢唔會煮到好腍，仲有少少硬度同彈性。
可能因為位處中環，所以定價好貴，但係質素高同細節位都做得好好，唔似一般過江龍來到香港就跌晒watt，所以到佢有清湯供應的話，都仍然有興趣試試。
张贴
