柞木炭家

营业中

休息中

同好耐無見既朋友慶祝生日，嚟食韓燒大餐。一坐低，就上左唔少前菜，包括牛舌配蘿蔔、生菜、芽菜、醃青瓜、醃蘿蔔等，非常開胃。唔夠喉的話，所有前菜都可以refill。慶州五花肉。夏胡麻沙律好大盤沙律，醬汁唔算好多，不過配埋五花肉都好夠味。和牛牛舌二吃二吃分別有，葱醬及鹽燒，簡單燒一燒，葱油香已經係牛舌上，但個人都比較鍾意鹽燒，好食材，簡單調味，就已經食到當中既精髓。壽喜燒和牛西冷好好食🤤，呢個西冷由職員負責燒，確保到最佳食用狀態。西冷肉質非常柔軟細膩，脂肪分佈細密，同時肉味香濃。壽喜燒汁煮過既西冷包住沾滿蛋漿既米飯一齊食，真係令人食唔停口。濟洲大八爪魚燒既過程，見住裡面既汁不斷流出。食落口，加少許鹽調味，已經係一道非常惹味既美食，海鮮用最簡單既調味已經好足夠。慶州黑毛豬五花肉(醬油/鹽燒)烤肉配上泡菜或生菜食，超級爽脆。入口脂香滿溢，但又唔會帶油膩感，配菜的配搭使到五花肉有著唔同風味。韓牛泡菜炒飯泡菜炒飯口感豐富，加上少許的紫菜帶多一點咸香，米飯圓潤得嚟粒粒分明，整體都好高質。柚子檸檬梳打 + 荔枝梳打2杯飲品都好清甜解渴，荔枝梳打都真係有兩粒荔枝果肉🤣；柚子檸檬梳打就夠哂清新。