鍾爺爺海鮮火鍋刺身專門店

营业中

休息中

呢度淨係湯底都有好多唔同嘅選擇，我就試咗個滋補嘅翅群花膠雞鍋。呢個湯底勁足料，足足有半隻雞，花膠都有幾舊金魚翅群都真係真材實料，將啲湯料放返落個煲度，滾起佐就可以開始打邊爐🤤邊爐配料有好多唔同選擇，牛肉嚟講試咗本地手切肥牛，細碟已經份量超多，肥牛好有牛味，肉質煙煙韌韌，好有口感，啱啱熟就可以拎上嚟食，超級正😍佢哋嘅手打墨魚丸都好值得一試，爽口彈牙，真係有啲墨魚粒喺入邊，雲吞同水餃都係佢哋自己包，鮮蝦雲吞勁大粒蝦喺入邊，超級抵😙另外佢哋嘅生面都好好食，係本地麵廠嘅生麵，彈牙有口感😚如果鍾意特別啲嘅可以試吓佢哋既花雕豬腦，新鮮雞腸依啲火鍋配料都好正！