影片
更多
2018-05-31
269 浏览
在芸芸日本料理種類之中，最喜愛吃就是鐵板燒，坐在鐵板前，一邊欣賞廚師的功架，一邊嗅著食物在烹調過程中傳來的香氣，可說是多重享受。講真，依家喺香港食鐵板燒，一點也不便宜，每位收費動輒過千，不是人人能負擔得起。幸好最近從友人處得知，佐敦有間鐵板燒店，不但可以席前欣賞師傅手藝，而且最重要就係食材好有質素，加上價錢大眾化，鐵板燒套餐，最平 $450 已有交易，所以亦特意找了個晚上來一嘗。店子位於佐敦偉晴街，店內面積不大，基本上一眼見曬，除了吧檯 8 個座位，另外亦設有三張雙人檯及一張四人檯，如果坐滿人嘅話，應該會有點逼狹。細看室內佈置，其中一邊牆身掛滿菜式木牌，而另一邊就掛上日式十幡，東洋味甚濃。安頓後，店員隨即為我倆送上青檸蔘茶，呷一口，人參味不太濃，青檸味在口腔內慢慢滲出，非常甘香，是消除熱氣和「下火」的良物。拿起餐牌，晚市以套餐為主，共有五款選擇，有美國薄燒牛肉、日本十勝黑豚肉、A5 和牛、海膽焗原隻龍蝦及北海道原隻毛蟹，定價分別為每位 $450 及 $780，全部套餐都包沙律、刺身、三道主菜、炒飯或炒拉麵、紙包蜆湯、炒野菜或焗雜菌，單尾以甜品作結，項目非常豐富。點了美國薄燒牛肉北海道
在芸芸日本料理種類之中，最喜愛吃就是鐵板燒，坐在鐵板前，一邊欣賞廚師的功架，一邊嗅著食物在烹調過程中傳來的香氣，可說是多重享受。講真，依家喺香港食鐵板燒，一點也不便宜，每位收費動輒過千，不是人人能負擔得起。幸好最近從友人處得知，佐敦有間鐵板燒店，不但可以席前欣賞師傅手藝，而且最重要就係食材好有質素，加上價錢大眾化，鐵板燒套餐，最平 $450 已有交易，所以亦特意找了個晚上來一嘗。
店子位於佐敦偉晴街，店內面積不大，基本上一眼見曬，除了吧檯 8 個座位，另外亦設有三張雙人檯及一張四人檯，如果坐滿人嘅話，應該會有點逼狹。細看室內佈置，其中一邊牆身掛滿菜式木牌，而另一邊就掛上日式十幡，東洋味甚濃。
安頓後，店員隨即為我倆送上青檸蔘茶，呷一口，人參味不太濃，青檸味在口腔內慢慢滲出，非常甘香，是消除熱氣和「下火」的良物。
拿起餐牌，晚市以套餐為主，共有五款選擇，有美國薄燒牛肉、日本十勝黑豚肉、A5 和牛、海膽焗原隻龍蝦及北海道原隻毛蟹，定價分別為每位 $450 及 $780，全部套餐都包沙律、刺身、三道主菜、炒飯或炒拉麵、紙包蜆湯、炒野菜或焗雜菌，單尾以甜品作結，項目非常豐富。點了美國薄燒牛肉北海道二本蟹爪套餐 ($450) 及海膽焗原隻龍蝦北海道帆立貝海鮮套餐 ($780) 各一。
先嚟第一道菜：煙燻鴨胸沙律盛合杯，沙律以高身雞尾酒杯盛上，食材除左有主角煙燻鴨胸外，還有豆腐、甘筍絲、沙律菜、切片青瓜同車厘茄。鴨胸煙燻味輕，不太鹹，肉質軟腍。豆腐非常滑溜，食落有豆香，而且麻醬分量剛好，唔會蓋過豆腐本身的味道，入口感覺清新。
接著是三點刺身，分別有牡丹蝦、八爪魚同三文魚。三文魚色澤亮麗，新鮮肥美，肉質細嫩，加上夠厚切，口感極佳。八爪魚爽口彈牙，食落煙韌有嚼勁。牡丹蝦非常大隻，一點也不黏口，爽身得嚟又夠甘甜，而且蝦頭仲有唔少蝦膏，叫人一吃傾心。
接著輪到吃主菜，先介紹「美國薄燒牛肉北海道二本蟹爪」，三道主菜分別有西京醬煎煮銀鱈魚、北海道二本蟹爪同美國薄燒牛肉配香煎牛脷。盛載銀鱈魚的器皿，造型非常特別，成朵蓮花咁，十分搶眼。銀鱈魚燒得香噴噴，肉質肥美，帶豐潤魚油香，細嫩滑溜，而且肉汁非常豐富，入口唔乾身，加上醬汁味道帶甜，最啱就係用嚟配飯吃。
北海道二本蟹爪與香煎牛脷一同上桌，店員說，旁邊兩個醬汁，一個係蘋果，而另一個就係檸檬，分別用來配薄燒牛肉同香煎牛脷。先吃蟹爪，蟹鉗雖然唔算好大隻，但肉質飽滿，味道鮮甜，入口啖啖肉。旁邊的牛脷非常厚身，而且師傅的廚藝一流，燒得啱啱好，不會過老，咬下爽口帶軟，有肉味，用來配酸香的檸檬醬汁吃，更可中和肉膩感。
捲上蔥花同蒜片的美國牛肉薄燒，亦做得非常之有水準。見廚師先將肉眼切成薄片，在鐵板上輕煎數秒，然後再裹上即炸蒜片同蔥花。牛肉燒得剛好，肉質軟腍，咬落 Juicy，入口充滿蔥香和蒜香。至於另一客「海膽焗原隻龍蝦北海道帆立貝海鮮」，三道主菜就分別有鐵板海膽醬芝士焗原隻龍蝦、北海道黑松露帆立貝同招牌脆皮煎鰻魚。
海膽醬芝士焗龍蝦分量十足，極為大碟，龍蝦應該有成斤重，如果自問細食嘅話，最好都係同朋友 Share 來吃。據師傅稱，龍蝦要先放在鐵板上加水焗數分鐘，再將以海膽、芝士、沙律醬等材料調成的醬汁淋在龍蝦肉上，之後灒酒再焗。龍蝦上桌時面頭蘸滿了海膽和芝士，肉色金黃，賣相超吸引。嘗一口，龍蝦肉質非常爽彈，加上芝士同海膽，味道鹹香帶鮮，令人欲罷不能。
接著是北海道黑松露帆立貝，帆立貝新鮮肉厚，食落夠曬嫩口，而且肉質結實，咬下充滿鮮甜味，加上面頭的黑松露醬，濃香惹味！
跟住是招牌脆皮煎鰻魚，平日吃鰻魚，大多數以蒲燒方法炮製，不過這裡嘅做法就非常之有創意，將魚皮煎至焦脆，口感似足炸魚皮，魚肉卻保持嫩滑鮮美，一次過可以嘗到雙重口感，超滿足！
S2 特色黃金炒飯，炒飯可以揀配蟹籽、松葉蟹肉、黑松露、蟹膏、和牛或煙肉，選了黑松露口味。飯粒炒得夠乾身，而且用料頗豐富，有煙肉絲、西芹、炒蛋和紅蘿蔔粒等，加上黑松露作點綴，味道合拍，記得幾飽都要留肚食。至於另一客野菜炒拉麵，材料雖然不多，但麵質煙韌彈牙，味道夠，配上鮮爽的野菜，十分滋味！
食完主菜同飯麵，其實已經飽得八八九九，不過呢個南瓜紙包蜆湯就絕對唔可以錯過。個湯做法好特別，而且賣相非常吸引，先用耐熱膠袋裝住，再放上鐵板燒至球狀，然後用碟盛著上桌，打開後就可以直接飲用。湯料唔算特別豐富，只有蜆肉、鮮菇和豆腐，湯身十分幼滑，充滿南瓜的香甜；蜆是時令貨色，鮮甜無沙；豆腐非常滑溜，入口有豆香。
焗雜菌，新鮮菇菌以錫紙包裹，再置於鐵板上燒焗至軟身，做法雖然簡單，但廚師控制火候和調味的功夫一流，惹味非常，菇汁豐富且芳香撲鼻。
最後嘅甜品係泡芙，泡芙入面包有雲呢拿雪糕，可以用嚟清清味蕾，唔錯。講真，食鐵板燒最佳嘅娛樂就係睇廚師表演，絕對是示視覺嘅享受，不過這裡地方比較細，經常座無虛席，一位難求，所以想吃的話，記得一定要提早訂檯。
张贴
