有時想慶祝或獎勵自己，我就會去食鐵板燒，儀式感絕對唔可以少！最吸引係有個天燈大屏幕，可以寫上祝福放上天，氣氛滿滿！✨😎 😍最近餐廳仲推出全日指定清酒任飲優惠，午餐90分鐘、晚餐120分鐘，成班friend一齊舉杯就最啱！
💫商務特選午餐（二人前）
🥗沙律
係冰菜、生菜、粟米等既蔬菜伴麻醬，口感清新
🦞龍蝦
超級生猛，好大隻😜師傅善用曬龍蝦既各個部位，挑出整片既龍蝦肉，好厚身！食落超級彈牙，肉質非常厚實😙連龍蝦膏都攞埋黎做個醬汁，食落鹹鹹地但好入味，龍蝦肉完全吸收曬啲精華😋
🥄帆立貝
微微焦香，咬落鮮甜彈牙！加上滿滿黑魚子，鹹鮮瞬間提味，鮮味爆發，呢個組合真係無得輸！😋
🍶清酒煮蜆
清酒會放係個錫紙兜度加熱，燃點烈火🔥打卡既效果十足～蜆本身幾大隻，而且冇沙，食得出好新鮮，好鮮甜！
🥩美國牛肉厚燒
牛扒見到粉嫩既顏色，肉汁鮮嫩，食落牛肉味濃，每啖都好juicy，肉質非常柔軟🥰勁厚身所以食落更加有口感
🍚櫻花蝦炒飯
炒飯好有鑊氣😌望住師傅炒到每粒飯都沾滿蛋然後炒到金黃色，香氣撲鼻🤩食落炒飯粒粒分明，連同啲櫻花蝦同蔥花一齊炒，最後仲加隻荷包蛋🍳
🥄漬物
漬物係爽脆嘅牛蒡，微酸清甜，非常開胃，正好平衡主菜嘅濃郁，配搭得宜！👍
🥣吸物
麵豉湯係由龍蝦頭熬製而成，海鮮味好突出，蝦味好鮮，蝦頭仲有唔少既龍蝦肉，加埋少少海帶，就已經好出色🤩
🍨甜品
最後以日本綠茶雪糕作結，微苦甘醇，完美中和咗之前嘅味蕾，為成餐飯畫上完美句號🍵
🍶清酒
最抵讚係90分鐘清酒無限暢飲！一開始可以自選酒杯，儀式感滿滿，之後就可以輕鬆暢飲多款清酒，同朋友舉杯慶祝就最啱！
🌟《清酒祭：鐵板燒及Omakase多重優惠‼️》
如果想同家人或一大班朋友慶祝，非常推薦預訂佢哋嘅鐵板燒房！空間私隱度高
