老百姓火鍋刺身 (已結業)

老百姓火鍋刺身😚趁而家天氣轉凍，就同左朋友去食呢間位於深水埗既火鍋店！入到去座位闊落，兩個人傾住計慢慢都得！叫左鴛鴦湯底，分別係麻辣同豬骨。一上來已經見到超級大鍋😍而且用料十足，麻辣果面勁香勁多辣椒，過左口癮！另外果面就有超多湯渣，豬骨大大件，仲有勁多豬軟骨！岩曬我呢D鍾意食骹位既人啊！將佢地點落麻辣湯，更加錦上添花，風味一絕！首先來既係大閘蟹！原來呢間餐廳會一人送一隻大閘蟹架！蟹膏十足😋又黃又油，啖啖都食到蟹黃感覺，鮮！之後係美國肥牛，有大塊細塊，岩曬自己個人喜好！仲叫左醉雞！一上來已經有濃濃花雕酒味，落去豬骨湯到煲兩煲，已經十分嫩滑！好食～墨魚丸果然係手打，爽口彈牙，而且口感厚實，感受到用左好多既墨魚，夠曬份量脆肉鯇厚實夠脆，浸落麻辣汁琴超好食！一渣竹蔗茅根，餐廳驚唔夠凍都比埋個冰桶好地。食住熱騰騰既邊爐，來一杯冰凍既野飲，好正😚😚整餐既體驗都好好，環境舒服，野食又好食😋