影片
港铁深水埗站 B1 出口, 步行约7分钟
继续阅读
开饭介绍
位于深水埗的港式火锅店，店铺有不少霓虹灯装饰，感觉新潮。午市提供普通港式饭餐；晚市提供多款火锅汤底，日式刺身和点心，特别推介手打鲜墨鱼丸和滋润百姓汤。
继续阅读
营业时间
星期一至日
全日休息
以上资料只供参考，请与餐厅确认详情
好耐冇食火锅～ 就嚟左呢间餐厅🤤一入到去第一个感觉就系干净企理～ 喺疫情下更显得难能可贵～ 店员好殷勤咁问我地点咩又上调味～服务态度不错～ 点左个刺身，摆盘好靓～ 睇得出好新鲜～ 味道亦不错～汤底点左滋润百姓汤（$338）汤馅劲丰富，有花胶、螺头、哈密瓜同鸡汤～店员特别介绍哈密瓜系佢地独有，令鸡汤更添甜味～ 汤馅真系非常足料又特别，值得一试！花雕醉鸡就食得多，陈年花雕肥牛（$158）真系好少见～ 食落好浓既花雕味，肥牛满满的吸取了花雕，味道更加重同惹味～脆脘鱼腩（$88）切得厚厚的，非常美味～日本黑豚猪肉（$108）大大片，切得薄薄的，肥瘦均匀，味道亦相当好！招牌鸳鸯滑（$108）卖相有惊喜！砌成2条鱼好生动！味道比一般鱼滑好吃😋
继续阅读
天气凉最好打边炉，同朋友去深水埗福华街39号地舖老百姓。店内环境新型舒适，座位宽敞清洁，服务员友善礼貌推介食物，使人客称心。1. 滋润百姓汤$338（花胶螺头猪骨哈蜜瓜鸡汤）店员建议先饮汤，因汤底已前后煲了24小时，火喉十足，鲜味无穷，非常润喉，锅盘食材丰富，花胶淋滑，螺头鲜甜，半只鸡肉煲至分离，蜜瓜肉清甜，令汤好饮到呢…2. 美国顶级肥牛 $138香浓肉味，肉质鲜嫩，薄切肥牛，片刻即熟，口感丰富，配上酱汁美味无穷。3.丝 是日优惠送赠摆盘精美，鱼肉稍滚片刻，肉质鲜甜嫩滑，爽脆弹牙，浸入浓汤更觉可口美味。4. 自家制四拼饺$98特式黑松露饺、韮菜饺、招牌水饺皇、鲜虾云吞，四款饺各有特色，款款好食，人手自家制特别好味，与别不同，皮薄馅料丰富非常美味，入口弹牙，鲜味多汁。5. 鸭血 $58爽口嫩滑，热腾腾入口暖在心，浸泡美味浓汤，滋味无穷。6. 红薯粉 $28薯粉烟韧弹牙，薯味极浓，配以浓汤和酱汁，更觉好味。7. 竹蔗茅根 $48火炉十足，清热解渴，竹蔗茅根味道浓郁，甜度适中，好饮至极。
继续阅读
听朋友讲深水埗开咗间又大份又抵食嘅打边炉舖头今日就去食下啦呢间老百姓火锅刺身开咗冇耐 不过都几多人帮衬 餐厅枱櫈好阔落 啱晒一班朋友嚟打边炉吹水一坐低就梗系叫盘刺身啦 刺身有三文鱼 甜虾带子 八爪鱼 全部都够晒新鲜 而且并非薄切 有水准滋润百姓汤 汤底入面已经有好多煲汤料包括花胶 螺头 哈密瓜同埋老鸡 首先梗系要饮啖汤 非常清香一啲都唔油腻 完全系心机之作 哈密瓜好清甜 花胶煲得淋软 好似骨落喉咙咁 鸡一啲都唔吝啬 有半只咁多 顶级安格斯牛颈脊 虽然系细份不过份量绝对够两个人食 牛肉油花分布均匀 色泽红润够晒新鲜 食落牛味重超浓郁 正羊肉片 肥瘦适中有羊骚味 食落羊味唔错脆肉鲩鱼腩 同样新鲜一啲泥味都冇 肉质爽口弹牙醉鸡 酒味香浓肉质嫩滑 而且唔太肥红薯粉 汤底咁正 叫个红薯粉吸晒啲味简直系完美嘅句号 煮得烟烟靭靭非常入味
继续阅读
又嚟到打边炉嘅季节，今次去到深水埗位置有点隐世嘅老百姓火锅，感觉好亲民系一个三五知己聚会嘅好地方！平时好少见火锅店有杏汁白肺汤做汤底，所以同朋友一致同意试试佢！嚟到都真系好足料，雪白嘅汤底入面有好多白肺同猪骨，汤底杏汁味都出饮落几滑，食埋白肺真系好满足！餐前小食可以点香酥墨鱼脆，同之前去过火锅店嘅鬼马酿墨鱼滑同出一辙，直接食已经可以，或者想油炸鬼湿润啲就可以沾一沾汤。打边炉点少得牛肉，呢度嘅顶级安格斯牛颈脊唔错啊，肥瘦均称，食落牛香十足！招牌鸳鸯滑造型好可爱，系两条鲤鱼，鱼头染上唔同颜色以作识别。其实就系分别虾滑、墨鱼滑，食落弹牙又鲜味！牛骨髓系食火锅我几喜爱嘅配料，估唔到呢间隐世火锅店都有，煮过后骨髓好滑，彷佛会滑落喉咙咁。黄喉都系一见就会点嘅配料，唔洗涮好耐就可以食，食落脆口好过瘾！自家制四拼饺几惊喜，有唔同口味嘅饺，有水饺、云吞、黑松露饺同埋韭菜饺，每款都可以单点，但四拼就开心啲试多啲味啊！我钟意黑松露饺同埋韭菜饺，黑松露有特色，韭菜够重口！桂花蚌鲜甜，咬落爽脆中爆汁，钟意海鲜及鲜味嘅唔好错过！平时好少机会食到鱼鳔，今次同喜好相同嘅朋友相聚梗系要把握机会点嚟食，只只都胀卜卜，落锅前要先笃爆佢先安全。煮佢一阵，上下part都有唔同口感，上面比较有糯糯浆浆嘅口感，下面就爽脆为主。食得多肉腻口就要食菜啊，蔬菜杂菌拼盘乜都有就最啱啦！
继续阅读
深水埗一向系美食既宝藏！去唔同既横街窄巷都会揾到好野食今次揾到呢个特色火锅店朝早食点心夜晚打边炉+有刺身+霓虹灯装饰最近天气开始转凉 店员好贴心推介冬日特色锅底拣左个冬荫功羊腩锅 100分推介😍将我最钟意既边炉同羊腩加埋合体🙆🏻♀️一放落黎有少惊讶因为好足料！冬荫功拣左小辣 有少少椰香味羊腩已经都淋晒 舖头仲有提供埋腐乳🤤呢个刺身又系另一个惊喜😍原条鱼上非常大盘 仲要新鲜到条鱼个口仲郁下郁下🤣 点少许豉油就出到个鲜味 由于饺同丸都有太多选择，所以2样都拣左四拼🤣岩晒选择困难症既我 一次过试晒咁多只味🤤四拼饺可以话系2款特色同2款平凡特色既系韭菜饺黑松露饺 2款一咬落去个味就成个口都系但平凡既水饺皇同鲜虾云吞都唔简单 😆原只虾胀卜卜咁包系入面，食入口大满足！手打丸都非常有特色，卖相排得靓靓！值得highlight 系墨鱼丸同猪肉丸，墨鱼丸有包埋墨鱼粒，带到个味又弹牙，钟意呢个原果多过加埋黑松露(可能因为个饺已经surprise 左😆)猪肉丸都系松软唔会实🤓呢个桂花糕可以话系半个隐藏餐牌！佢系系点心纸个面，唔系店员推介都唔知 (因为我地打完边炉太饱想食d清清地甜品但火锅给纸个边既甜品都有少少饱肚)😆食落去有少少桂花味，唔会太甜，refreshing 番边炉既浓味🤤
继续阅读