Le Viet (已結業)

今日約左2個朋友食晚餐, 想揾間坐得舒服d 既餐廳。新開張地方好乾淨，座位寬敞 ，服務態度亦不錯!食後感:椰青焗飯必試！賣相有特色，海鮮堆滿椰青頂部，海鮮有鮮味！每一口飯都充滿椰汁味，飯仍然保持應有既口感！蒜蓉炒椰菜苗炒得翠綠惹味，好香蒜蓉味，唔油膩，但份量略嫌少左D！串燒肉質鮮嫩夠味，燒得岩岩好不會太燶!越式咖喱雞鍋配薄餅賣相不錯，點火一路熱住食幾過癮! 咖喱汁好香濃好夠椰香同香茅味又唔算辣!薯仔、雞肉煮得幾入味，雞肉都滑 怕辣嘅朋友都會好岩！配埋牛油味既薄餅點D咖喱汁一齊食…味道好夾!椰汁綠豆冰椰香奶滑，綠豆份量充足，但甜左少少!整體幾好，會成日黎