Le Viet

营业中

休息中

今天去咗尖沙咀睇戲，睇完去左The One間越南餐廳Le Viet食嘢。起初我會以為其實佢同一般嘅越南茶餐廳冇咩分別，但食完之後，發現佢哋嘅食物真係幾用心製作。一坐低嘅時候，打開餐牌，我叫咗今期優惠越式拚盆，只係98元，呢一個拼盤有越式春卷、扎肉蒸粉包、炸蝦餅同豬頸肉，配料非常豐富，並且新鮮即製，非常好味同有越式味道。正👍我特別欣賞佢個越式春卷，因為佢個春卷層外皮係非常非常之熱，所以一定係新鮮炸起的，而且裏面嘅配料唔算話特別鹹，再配上酸酸甜甜的像一齊食，其實一啲都唔油膩。菠蘿炒飯菠蘿炒飯個份量充足，好大個同埋好香菠蘿，我會夾埋啲肉鬆食，蝦好大隻又爽口，非常醒胃。一啖飯時，一啖菠蘿，一啖肉鬆，佢個菠蘿炒飯仲會搵埋其他唔同嘅配料，例如提子乾，一齊食嘅話，口感係好多重。牛肉湯河牛肉好林，勁香牛味，最正係個湯底，超足料飲到牛骨味。飲品飲左三色冰同青檸梳打，天氣咁熱 飲落去又甜又解暑，飲落去唔會太甜，所以唔會好口渴。