影片
更多
2022-07-25
357 浏览
俾我喺中環搵到一間隱世越南餐廳，雖然話係隱世，但其實距離地鐵站只係行大概10分鐘就到啦，本身自己都鍾意食越南菜，但呢一間嘅菜式比較特別之餘，味道都絕對有驚喜，試過既菜式裏面絕無一樣挑剔，非常值得推介👍🏻👍🏻👍🏻呢間名叫Prime Pho嘅越南餐廳，佢嘅裝修都係簡約風，座位與座位之間都比較闊落，見到每一款菜式同食到既都感覺到用心製作，揀選嘅食材同味道都令我覺得一定要介紹比大家，我哋就試咗幾款菜式同埋兩杯嘢飲🥗Prime牙車快:呢款沙律睇落去就已經知係越南沙律，首先佢裏面有慢煮雞絲，再配埋雜菜等，重點係佢個黑松露蛋黃醬，濃味得嚟又唔會搶咗雞肉味，成個醬簡直令到整個沙律升華晒，不過最重要嘅都係佢嘅慢煮雞絲，超嫩滑，每一絲大細平均，真係唔錯嫁😋😋🍆越式沙嗲醬燒茄子:佢係原條茄子嚟，好有誠意，開邊燒到火喉啱啱好，基本上整個茄子都可以食晒，絕對唔會有濃既茄子肉，除咗有沙嗲醬，芫荽，蔥呢啲配料之外，仲有櫻花蝦同埋黑魚子，咁平凡嘅茄子竟然可以配上貴食材，每一啖都好惹味，醬料嘅配搭好夾，咸度啱啱好😆😆🦐虎蝦米紙卷:越南菜式必嗌之一，除咗虎蝦佢仲有幾種唔同嘅選擇，素嘅又有，傳統嘅炸軟殼蟹都有，裏面嘅配菜有
🥗Prime牙車快:呢款沙律睇落去就已經知係越南沙律，首先佢裏面有慢煮雞絲，再配埋雜菜等，重點係佢個黑松露蛋黃醬，濃味得嚟又唔會搶咗雞肉味，成個醬簡直令到整個沙律升華晒，不過最重要嘅都係佢嘅慢煮雞絲，超嫩滑，每一絲大細平均，真係唔錯嫁😋😋
🍆越式沙嗲醬燒茄子:佢係原條茄子嚟，好有誠意，開邊燒到火喉啱啱好，基本上整個茄子都可以食晒，絕對唔會有濃既茄子肉，除咗有沙嗲醬，芫荽，蔥呢啲配料之外，仲有櫻花蝦同埋黑魚子，咁平凡嘅茄子竟然可以配上貴食材，每一啖都好惹味，醬料嘅配搭好夾，咸度啱啱好😆😆
🦐虎蝦米紙卷:越南菜式必嗌之一，除咗虎蝦佢仲有幾種唔同嘅選擇，素嘅又有，傳統嘅炸軟殼蟹都有，裏面嘅配菜有酸菜，青瓜，米粉等，最特別嘅係佢哋配咗自家花生醬，同出邊嘅真係好唔同，沾上花生醬配搭又OK喎，味道仲唔錯添，真係一個新嘅絕配，佢嘅虎蝦經過油炸，連外殼都變得鬆軟，肉質爽口，連埋殼一齊食都係第一次，但完完全全地將肉融為一體，出面真係食唔到😌😌
🍜Prime Pho Ga雞湯河:湯麵都係必嗌之選，佢呢款河粉裏面有個叫火燒三黃雞肉叉燒，呢款菜見佢個名好特別，原來佢係雞肉嚟，至於點解叫叉燒，原因就係佢嘅切法同製法同叉燒都有啲相似，所以就命為雞肉叉燒，首先佢係連雞皮切到一片片，再去燒製，食落同一般嘅雞真係好唔同，佢嘅肉質鮮嫩，啖啖肉，平時唔食雞皮嘅我結果將佢全部食晒，因為真係一啲都唔油膩，佢嘅雞基本上冇乜肥膏，所以食落絕對唔會有好油嘅感覺，呢款雞湯河真係極力推介，佢嘅配菜都有好多，例如雞絲，雞胸，糖心蛋，紅洋蔥同芽菜等，另外仲配左自家製油條，雞絲同雞胸比起沙律嘅肉質上都差唔多，都係咁嫩，而佢嘅油條沾落啲湯度又幾好味，食唔出有肥膩嘅感覺，裏面都夠軟熟🤤🤤另外跟湯麵配咗個香茅雞粒，都係外脆來源㗎😆😆
🍹至於飲品方面我哋就揀咗兩款比較特別嘅越南飲品，包括係🍹越式Mojito，同埋☕️蜂蜜牛奶越南咖啡，首先佢嘅🍹Mojito 同出面嘅做法相似，不過佢加咗越南啤酒，紫蘇葉，同蜜糖，佢絕對冇蓋過啤酒本身嘅味道，甜甜酸酸咁好開胃，另外因為加咗紫蘇葉嘅關係，飲落更加Fresh，好解渴，仲有佢真係超大杯，絕對抵飲😂😂，另外越南咖啡☕️都係好出名，佢哋用咗最傳統嘅越南滴漏式，將咖啡調製出嚟，之後將咖啡倒落有椰奶嘅蜂蜜牛奶裏面，就變成左一杯味道濃郁嘅咖啡，我覺得呢一個組合幾新鮮，味道絕對唔輸蝕，佢嘅越南咖啡好濃郁，再加咗喺蜂蜜鮮奶裏面，中和咗苦澀嘅味道，唔使再加任何既糖粒已經達到理想嘅甜度，絕對天然無添加😍😍
张贴
