BriKetenia (香港科學園) (已易手) 新餐厅

放工練下車，揸去科學園順便食埋晚餐。泊完車上黎見到呢間餐廳環境舒服，一於試試法包配白色鯷魚沙律醬法包皮脆內軟，唔係搽普通牛油，而係配搭鯷魚沙律醬，味道好特別。一入口少少咸味，食落有啲油香，好醒胃白酒煮新鮮青口嘩！咁滑嘅，好正呀！好少食到新鮮青口，原來係咁滑架。青口肥美，白酒帶出鮮味，食慾大增呀小龍蝦牛油果沙律沙律菜好新鮮脆口，小龍蝦配埋牛油果醬同埋洋蔥粒，鮮得黎有微辣，準備食主菜喇香烤澳洲西冷牛扒配薯條牛扒外皮燒到脆身，仲有淡淡嘅焦香味。牛扒熟度剛好，保留到肉汁得黎又唔韌，仲幾嫩同juicy 添。作為配菜嘅燒翠玉瓜都好搶鏡，一咬落去爆汁咁滯，食完牛扒食返啲蔬菜平衡返香煎三文魚配提子莎莎、意大利青瓜及燒新薯三文魚皮脆肉嫩，配埋提子莎莎好新鮮，甜甜地酸酸地，又有汁，同三文魚一齊食就好正，乾濕並重，又唔膩。燒新薯口感特別，吸引我食晒成碟雜莓蛋糕配雲尼拿雪糕見到一點點雲尼拿籽，好香滑，甜度適中。酸酸地嘅雜莓加埋軟熟嘅蛋糕，味道好平衡，口感亦好豐富，有硬有軟。為晚餐畫上完滿句號，好滿足呀