影片
更多
2017-11-20
700 浏览
距離上次黎呢度食野應該已經有大半年，呢段時間不時都有諗起呢間西餐廳，因為第一次食完有驚豔到，覺得價錢唔算好貴，而質素又相當唔錯。每逢有朋友問銅鑼灣邊間西餐好食，我都會推介呢度不過我就黎過兩次都係食晏，唔知晚市食嘅野有冇唔一樣，午餐就幾抵。餐廳地方都幾大，幾多位，雖然個名叫大排檔，但就同大排檔冇咩關係，都係一般西餐廳裝修，乾淨企理。內圍有幾個位靠窗，視野闊啲，都幾舒適。雖然今日星期日，但因為我同女友約左人去深圳玩，所以一早就喺度食完野先。準時一開門就黎，未有客人，我地揀左坐窗邊。午餐有8款，有意粉、炒飯、黑毛豬、牛仔骨、羊鞍、鮮魚、牛肉眼，價錢係$98-$168，包餐湯、餐包、咖啡/茶，有需要可以加錢要沙律、甜品或者海鮮拼盤。平日就免加一嘅，每位最低消費$98。我地點左兩份套餐，同埋每次黎必點嘅海鮮拼盤，都加埋甜品，人均二百五蚊，非常滿足，都推介你地鐘意食海鮮可以加海鮮拼盤：生蠔、鮑魚、日本帶子、鮮蝦、鮮蜆幾款海鮮全部都好新鮮，生蠔唔係好大隻，但都好鮮甜；最鐘意呢度嘅日本帶子，軟腍冇雪感，配左啲好特別嘅醬汁，特別鮮味至於鮑魚都係驚喜，好似醃製過，好入味，而且食落好軟，唔會un胃。餐湯：大
午餐有8款，有意粉、炒飯、黑毛豬、牛仔骨、羊鞍、鮮魚、牛肉眼，價錢係$98-$168，包餐湯、餐包、咖啡/茶，有需要可以加錢要沙律、甜品或者海鮮拼盤。平日就免加一嘅，每位最低消費$98。我地點左兩份套餐，同埋每次黎必點嘅海鮮拼盤，都加埋甜品，人均二百五蚊，非常滿足，都推介你地鐘意食海鮮可以加
海鮮拼盤：生蠔、鮑魚、日本帶子、鮮蝦、鮮蜆
幾款海鮮全部都好新鮮，生蠔唔係好大隻，但都好鮮甜；最鐘意呢度嘅日本帶子，軟腍冇雪感，配左啲好特別嘅醬汁，特別鮮味
至於鮑魚都係驚喜，好似醃製過，好入味，而且食落好軟，唔會un胃。
餐湯：大蒜薯蓉蟹肉湯
湯好熱，連個碟都係熱嘅，薯蓉唔會好糊口，又清又甜，又有薯蓉嘅口感。而且裡面都有啊少蟹肉，好足料，又鮮甜。
湯味道唔會好濃，但好香薯仔味，第一次飲，好好味
蒜蓉包：其實熱辣辣，蒜蓉又夠多，基本上唔會差。又香又脆
原條是日鮮魚：特別鐘意喺呢度點鮮魚，原條上，其實我好鐘意食魚，但女朋友唔多鐘意，所以平時少食。襯食西餐有魚，我就自己點一份獨食。原條魚煎好，伴碟係紫薯蓉、翠玉瓜同蕃茄，仲有一兜好似泰式醬汁，好美味。
魚皮煎到香脆，魚唔係好大條，但肉多，最重要係骨少，完全冇腥味，好似係啲斑魚咁。魚肉又嫩又滑，唔需要加任何醬汁都好出色
紫薯蓉都真材實料，啖啖甜薯香氣，而且平時少食，好有新鮮感。
燒美國牛肉眼：女朋友係食肉獸，最鐘意食牛扒。呢度嘅牛扒夠大塊，薄身，燒到好香，點七成熟係剛好，完全冇血水，但塊扒表面煎到微焦，肉質唔老唔韌，而且牛味都好濃，本身已調味，所以唔需要特別加醬汁。肉質juicy到不得了，午餐食百六蚊，非常高質
焦糖燉蛋、香蕉慕絲：午餐唔跟甜品，但加18蚊就有一份，是日有燉蛋同慕絲，我地一樣一款試下，大滿足。
燉蛋唔係好熟果隻，仲係好水潤水潤，蛋香十足，焦糖層薄薄一片，但十分香脆。
香蕉慕絲嘅質地唔係好慕絲，比較似布丁加慕絲混合，少少實，但唔硬，香蕉味好香，甜度適中。
张贴
