Sueno (已結業)

路過灣仔附近又想食西班牙菜式嘅餐廳，同友人一齊去咗Sueno試下。黑毛豬火腿波略有驚喜，唔會軟林林成個薯蓉、又唔會得變粉的感覺，成個口味都十分夾。香炸蟹波蟹味濃郁，一口咬分量剛剛好又唔會太飽肚，沾上醬汁後近勝一籌。溫泉蛋薯絲香脆薄新、即使把溫泉蛋融合在薯絲中，薯仔絲仍卜卜脆。黑松露醬薯條醬汁酸甜有檸檬的酸味配上松露的味道、加上薯條幼身、沾一下別具風味。餐廳最出名的西班牙海鮮飯，二人份量選擇正常size已經十分足夠、海鮮飯粒粒分明與海鮮飯的醬汁融合得剛剛好。海鮮飯上的材料、虎蝦、魷魚丶蜆、帶子，海鮮各有出色的地方卻又不會互相爭奪味道。最後，當然唔少得甜品拼盤、有吉立棒配朱古力和奶油味、又有覺得剛剛好的心太軟、一切下去朱古力的流漿勁澎湃、配上不會太甜的藍妹芝士餅和雲呢拿雪糕，整餐飯的才十分完整結束。