芝加哥串燒酒場

营业中

休息中

今日約左閨蜜去蘭桂坊趁熱鬧，黎到呢個餐廳飲下野食下野，非常有氣氛。門口重有幾個Halloween既擺設人像，識郁嘅，打卡一流。首先我哋叫左兩杯飲品，左邊個杯係Sex On The Beach, 呢杯第一次試，本來以為酒精好高，其實都唔會，甜甜地容易入口。右邊個杯係Friday，呢杯係朱古力味為主，無酒精，甜甜地都好適合女士們飲用。跟住再叫啲小食有蔥燒半殼扇貝，一送上黎立即一股香味傳入我的鼻，真係好香，睇見都流曬口水，食起非常有驚喜。好好味。跟住再叫左個安格斯牛板腱珍珠飯，呢個啲牛肉好滑，入口即溶，味道都好好，牛味好出，值得一試。再黎就係宮崎去骨雞腿，呢款啖啖肉一啲骨都無，點咪醬汁食非常野味，香脆可口，值得推介。最後叫左啲小食慢慢食享受餐廳氣氛同音樂。原隻招牌燒澳洲龍蝦🦞，呢個非常之西利，燒到好香，成隻上打卡一流。重有燒雞泡魚乾，有咪沙律醬點黎食配酒係一流。再黎就叫左個串燒套餐$98，極品即燒乳豬+荔枝豚肉卷+ 椒鹽日本黑豚+炭燒豬頸肉。都係不錯既選擇。重有叫左招牌無骨白鱔串(蘭桂坊必食串燒），蒲燒鰻魚串，燒羊架。羊架味好出，7成熟係最好味，重有薄荷醬點黎食一流。鹽燒豬頸肉都好值得一試。