青花 (THE FOREST)

呢個周未同男友去咗旺角一帶行街街，喺波鞋街附近行完咁啱又到中午時間，當然要搵下有咩好食喇！ 諗起有The Forest呢個商場，就入咗去搵下有咩好食，行行下見到呢間泰式餐廳裝飾幾靚，就決定入去試一試~ 🧡泰式虎蝦金邊粉（$138）一上枱已經聞到陣陣香氣，兩大隻開邊虎蝦都肉厚彈牙！金邊粉濕度剛好唔乾身，酸酸甜甜幾惹味，撈埋花生豆乾一齊好開胃，讚！ 🧡馬薩拉香料牛肉咖喱（$128）香料味好出，牛肉份量都好多，喜歡馬薩拉咖喱嘅朋友一定啱食，有啲後悔無叫到手抓餅點咖哩食~ 🧡白冬陰功·南薑椰汁雞湯（$86）用料十足，有多件大大件嘅雞件同唔少草菇，椰汁味香濃，飲落舒服！ 🧡泰式糕點拼盤（$68）三款糕點每款兩件，啱哂兩個人食！糕點唔會太甜，椰汁西米糕同椰青糕好清新，班蘭椰汁糕煙煙韌韌，口感一流，作為一餐結尾啱啱好！ 🧡泰國珍珠奶茶奶蓋（$48）珍珠煙韌有口感，泰式奶茶都好夠味！