法國飯店

营业中

休息中

同事之前推介左我如果入屯門黃金海岸一定要來呢間餐廳試吓，自己都有做吓啲research睇吓入面有咩食，發現入面嘅餐廳最吸引我嘅都係呢間法國菜，見到價錢雖然貴少少，但好彩食完之後覺得性價比都高，同埋環境都十分之舒適。呢個炭燒西班牙黑豚鞍排厚度十足，炭燒得好好，肉保留了肉汁，雖然厚但唔乾唔硬，有豬肉嘅彈性，調味都不錯，即使不沾汁，味道都夠。另外仲要多咗個風乾火腿蕃茄醬焗燒春雞配紅酒汁，本身自己好鍾意食燒春雞，好彩呢度係燒春雞都整得好好，食落唔會話好乾，肉質仲係好軟熟，而且有好香嘅蕃茄味，酸酸甜甜嘅雞肉正呀！另外仲有配咗個紅酒汁，又係另一番風味。