影片
更多
2020-05-08
409 浏览
由於疫情都真係少咗出街食飯，特別係我最鍾意食海鮮嘅，呢排真係冇咩海鮮食，多數都係食自家嘢，或者食外賣，都好少出去撐枱腳，而且女朋友有間唔中嘈嘈閉話想去食生蠔，於是就揀咗一間都比較出名嘅生蠔店，呢間3號店其實之前都係喺尖沙咀另一個位，但因為可能係生意唔好啦，就轉左位，我都搵咗一陣先搵到佢啊，入到去間鋪雖然少咗，但仍然係座無虛席。入到舖頭，我就叫咗兩個set，並且叫咗半打生蠔🦪，生蠔好新鮮，老闆娘教我地由淡到濃味，老闆娘話呢啲全部都係法國，雖然而家疫情嘅員工，運輸費都貴，但佢哋還堅持繼續做落去之後就黎到主食啦，呢個係大蜆蒜蓉意粉，個蜆肉非常之新鮮，而且真係有半隻手咁大，配上生蠔嘅海水味，同埋佢呢一個蒜蓉嘅香味，意粉完全吸收晒佢嘅精華，真係食得好滋味呀！去到呢一個就係驚喜之作，佢係以澳洲和牛為主打，牛肉香而順滑，配上鋪滿一層紫菜嘅薯條食落真係好興奮，牛肉新鮮多汁，而且以五成熟來講佢真係煮得唔錯㗎！最後我建議大家下次嚟都係試吓呢一個龍蝦盛宴，真係做得唔錯㗎！但係近來嘅錢所限都係食返平少少啦！P.S 可能因為經濟嘅環境差嘅緣故啦，店內嘅侍應都只不過係一位但係都有成七至八張枱要招呼，搞到真係要等好
話想去食生蠔，於是就揀咗一間都比較出名嘅生蠔店，呢間3號店其實之前都係喺尖沙咀另一個位，但因為可能係生意唔好啦，就轉左位，我都搵咗一陣先搵到佢啊，入到去間鋪雖然少咗，但仍然係座無虛席。
入到舖頭，我就叫咗兩個set，並且叫咗半打生蠔🦪，生蠔好新鮮，老闆娘教我地由淡到濃味，老闆娘話呢啲全部都係法國，雖然而家疫情嘅員工，運輸費都貴，但佢哋還堅持繼續做落去
之後就黎到主食啦，呢個係大蜆蒜蓉意粉，個蜆肉非常之新鮮，而且真係有半隻手咁大，配上生蠔嘅海水味，同埋佢呢一個蒜蓉嘅香味，意粉完全吸收晒佢嘅精華，真係食得好滋味呀！
去到呢一個就係驚喜之作，佢係以澳洲和牛為主打，牛肉香而順滑，配上鋪滿一層紫菜嘅薯條食落真係好興奮，牛肉新鮮多汁，而且以五成熟來講佢真係煮得唔錯㗎！
最後我建議大家下次嚟都係試吓呢一個龍蝦盛宴，真係做得唔錯㗎！但係近來嘅錢所限都係食返平少少啦！
P.S 可能因為經濟嘅環境差嘅緣故啦，店內嘅侍應都只不過係一位但係都有成七至八張枱要招呼，搞到真係要等好耐先幫我哋去加番啲水，而且可能人手比較少，衛生也好似差過之前少少，希望餐廳下次改善一下啦！
张贴
