Steak Bar (已結業)

今日黎到銅鑼灣見到有間食牛既石板燒餐廳，咁岩又有啲肚餓，於是就同友人入咗去食晚飯。我哋就叫咗份$499既dinner set，入面有兩份正餐之餘，仲有兩份小食，十分豐富。小食方面揀咗紫菜薯條，薯條出黎係熱辣辣，而且啲紫菜沈得好均勻，真的不錯。另外既小食係蜜糖雞翼，雞翼十分香口，肉質鮮嫩。主菜就叫咗呢到出名既吉列炸牛扒，鐵板上邊預設有牛油加熱煎落去嘅時候就唔會黐底，基本上每邊煎一陣，食落會食到有啲香脆，同埋啖啖既牛肉味，點埋豉油就好好味。另一個份係澳洲黑毛安格斯西冷，呢個就叫咗七成熟用碟上既，佢七成熟都唔會話太過老，肉質都好鮮嫩，呢隻牛點個海鹽已經好足夠，同埋份量亦都唔少，鍾意食牛嘅朋友千祈唔好錯過。